-Akate savore asana thaj si lošale odoleske ni trubul te ana sekjuriti. Trujal so reproducirinaja thaj bašavel pe salde Romani muzik, thaj aven amenge bukavlno savore bizi diferenca savo nacionaliteti si, religia thaj aver.
But droma sar misafiria aven thaj pendžarde persone sar so si o Rade Šerbedžia, Petar Božovićm Zorica Marković.
Nikana nane fajront an o bašavipa isi lajf muzika sako rat vakerel o gazda e kafanake “Dionis”.
E gilencar sar so si “barselona”, ” San Trope”, ” Alal vera”, “Zek, zek ” “Šakira” thaj aver kerel pe panda majbari atmosfera ko sa o šankia thaj than bepipaske a pherdo sine thaj o podiumi. O sasoti trujal sa sine trin pali i jekvaš i rakj.
Sako rat odothe bašavela o bendi “Cunami” Ola si efta džene an o bendi thaj giljaven romani muzika. O anav e bendeske si dendo soske ola kana bašaven thaj giljaven sa emisafiren vazdena upre ko pre.
Nesave misafiria vakerena:” Avgo drom sium akate a i atmosfera si super” vakerna ola.
Taro bendi vakeren kaj i romani ;hib nane but lokhi numa kana giljavela pe sa si lokheste, kote thaj o misafiria giljaven olencar sa o romane gilja thaj džanena sa o lafia.
Jekh taro misafiria notirinela:” Dži ko angleder duj berša nadžangjum akale kafanake, numa kana aljum o avgod rom, akana me sako vikendi sium akate. Taro gilja mle favoritia si “Baro Biav”, “Keskandžika”, “Milionerče”.
A soske o anav akale romane kafanake baš “Dionis”? O gazda e kafanakoro o Nenad Stojanović vakerela: ” O Dionis sine rimsko devel e moljake, rakjutno dživdipa thaj o namorali thahj odoleske čhivgjem akava anav”
