Ande deciziaja taro Srbiakoro govermento ko vakti tari koronavirusi so sine andi ko 24 april si jekh em data so ka kerel sako dizutno so isi le upreder 18 berša si le niami tari them te lel sar suporto 100 eura.
Te šaj resel pe dži ko akava suporto trubul sako srbiakoro dizutno so si le upreder 18 berša te ovel le validno identifikaciakiri karta em aktivno than em adresa dživdipaske ki teritoria tari Republika Srbia.
Ko jekh valjani sakone te ovel le bankarsko konto, a te na sine le odova ka kerel leske o Ministeriumi bašo finansie.
Odova ka šaj te keren kana ka ovel havljarde o telefoni so ka valjani te javinen pe a ka ovel prezentirime ko 15 maj a o prijaviba ka ovel ko periodo taro 1 dži ko 5 juni 2020 berš.
Sako ko ka ovel le upreder 18 berš taro 24 aprilo 2020 berš ka šaj te prijavinel pe ko telefoni em te mukhel piro matično numero. Numero tari personalno karta identifikaciake em o anav e bankakoro kote si le konto. Anav na trubul.
