E čehiakoro portal irozhlas.cz notiringja kaj I romani čhaj I Anamaria Horvatova uli vicešampioni ki pli them ki juniorsko kategoria ki atletika; o nakhlo vikendi oj lelja rupino medali ki kategoria phureder junioria. Olakiri storia startujngja kana angleder duj berša ki fotografia ko olakoro profile iklili I viktoria kaj kergja ko jekh lokalno prastajbe em sine ko socialno medumia.
Olakoro talenti sine notirime taro jekh lokalno atletsko klubu so palo odova dengja ola finansiko suporto.
Palo jekh berš treningo oj uli majšukar ateltičarka ki olakiri kategoria ki purabali Slovakia. “Oj si atletičari ki maškarutni kategoria prastajbe” vakergja o Norobert Pece , president an o Atletsko klubi Legionar bašo tv kanali RTVS ki Slovakia persi berš.
„Oj ko momenti si majšukar džuvljano trkači ki purabali Slovakia ki olakiri kategoria” vakergja o Pece persi juli, Oj ničale kerel sine trenigo em I Anamaria Horvatova reslja bare ovacie em apaluzia tari publika o persi vikendi kana rdeslja o rupukano medaljo taro nacionalno šampionati ki Slovakia.
