I civilno iniciativa baši protektiva thaj progresia e niamenge o seksualno bukjarne “Star-star” an o savato ka notirinel o Internacionalno dive maripa mujal teroro upral sekusalno bukjarne.
An o 16 dekemvri , o “Star-star” an i butikeripa e Koaliciaja ” Seksialno thaj sastipaskere niamia e marginalizirime jekhinenge” ka organizirinen “Skopje red light distrikt”.
“Skopje red light distrikt”si sar umetnikani instalacia resarinaja te ilustririnel o šarmi e dromenge taro lole feneria e bordelencar an o Amsterdam.
O droma lole fenerencar si simboli e tromale thaj tolerantno stavi e majpurane profesiake an i lumia. O Skopje avgo drom ka ovel le o džuvlja taro vitrine -izlogia.
I umetnikani instalacia ka ovel čhivdi taro 17 dži ko 22 o časo , pauzaja taro 19 dži ko 20 o časo an o bulevari Kliment Ohridski numero 48, o vitrine -ilogia dži ko klubo Vulkan – vakergje tari dizutnengir inicijativa.
Ko kurko – nedela 17 dekemvri ja ikerel pe Marši taro lole ambrele -čadoria startea taro 12 o časo ko drom Makedonia.
Odoleske o seksualno bukjarne barabutne pire suporto personalea ka marširinen ko drom Makedonia an o Skopje, thaj ka bičhaven zoralo mesažo: STOP e teroreske upral o seksualno bukjarne!! vakeren taro “Star-star”.
