O Roma so dživdinen an o dizja si len piri tradicionalno barodivesa sar so si i Bibija. Ko maškar e 19 šelberšipaske o beogradsko Roma anavkergje akava dive sar i Bibia. Oj sine romani devlika protektiva so notirinen la ko jekh interesno forma .
O teganutne žurnalistia jramosaren sine kaj o Roma taro diferentno profesia thaj berša sako nevobiando murš romano čhavo si biamo – kjemanaja.
O Roma o dive ustavalkeren le džajbaja an i khangiri kote o kherutne legaren kolačo lafencar – E Bibiakere sastipaske!
Savore so keren akava baro dive anen sine kolači thaj posno hajbe so čhiven sine telal o kašt majbut – ambrol jali akhor. Telal o kašt notirinel pe suine ko ka kerel džiberše akava baro dives notiribaja prekal i muzika.
Palo odova del pe sine tati rakia thaj posno hajbe majbut mačhe thaj fusuj respektiribaja i hristiansko tradicia. Utsavalkeriba i Bibija ko jejh ola vazden sine o trendo e fusueske kote an i posno sogra sine šerutno hape.
