E Kosovakere Roma so dživdinen an i mahala Urie an o Prijedor mukhle si korkoro peske ko čikale droma bizo fundavno elemntarno šartia dživdipaske bizi elektrika, pani, kanalizacia , asfalti thaj aver. Odoja situacia si asvaki upreder duj decenie.
„An o amare familie so nesave genjen thaj engja jali feta džene tikne čhavencar bukavlno si haing infektivno nasvalipaske. Nane fundavno elementia tari higiena sar sako normalno familia an o Prijedor” vakeren o Roma.
„Deceniencar rodaka suporto numa ange sar te nane. Pobuter amendar siem nasvale , a našti džaja an o doktori soske nane amen sastipaskiri protektiva” vakeren o Roma.
Nesave Romane aktivistia vakeren kaj džanen akale problemeske so si e Romen taro Kosovo. Ola vakeren kaj trubul lenge nevi akomodacia thaj than . Olen si len komunikacia e Cntroa bašo socialno aktiviteto numa nane panda nisave saste trampe.
Taro Socialno ofiso niturunena sži kote akala Roma si len validno legitimacia sar Kosovakere Roma ki jekh forma si len niami an o socialno thaj sastipaskiri protektiva sar našutne . Numa an o tereno i situacia si averčhane soske trujal evidentirime Romen odothe isi aver da Roma so legaren pe sar Roma taro odova regiono a nane Roma taro o Kosovo.
