I aviokompania Wizz Air vakerel kaj ka čhinavel te pikjinel pe lake dopherde love vasteskere bagažeske an o aviono, thaj kaj trujal o tikno bagažo dimenziencar (42x32x25), bilovengoro ka šaj te čhivel pe thaj hari majbari torba dimenziencar (55x40x23) upre an o aviono.
Akava nevipa ka startujnle taro 29 oktomvri ko sa o ujrariba thaj destinacie.
„Sa okola biletia so isi len angleder 29 oktomvri 2017 berš i moldi e tiketoske ko jekh drumo ka ovel astardi DDV administrativno thaj aver takse thaj o tikno kabinsko bagaži – (maksimum 42x32x25 cm).
O bare jabinsko bagažia thaj sako aver notirime bagaži ka ovel pukjime dopherde taksaja. Ko destinacie thaj relacie taro 29 oktomvri 2017 berš o moldia taro jekh drumeskere tiketia ka ovel administrativno taksa thaj i moldi e tikne kabinsko bagažeske (55x40x23 cm, maksimum 10 kg).
Sako aver majbaro bagažo ka pukjinel pe dopherdi taksa notirinen an i vaktavin taro oficialno web rig e ” Wizz Air” kompania.
Ko jekh anglutne akale pobare vasteskere bagažoske pukjinel pe sine taro 14 dži ko 35 eura ko athinalipa e destinaciake thaj i forma taro keriba i rezervacia.
