O hoteleria bajrargje o moldia an o bikiniba tiketia bašo 23.000 thana , UEFA zorale kriteriumencar ka alusarel i publika.
O hoteleria thaj o kafabdžie ka profitirinen taro UEFA Super Cup so si organizirime an o Skopje an o 8 avgusto thaj udžarel pe o tifozia na salde tari Špania thaj tari Anglia kaskere ekipe ka khelen an o finale , numa ka ovel taro aver da thema.
O fania taro Real Madrid thaj Mančester Junajted an o Skopje udžarel len akomodacia an o hotelia palo moldia so si karakteristično an o bare metropole.
Hotelsko apartmano jekhe rakjaribaske an o Skopje aso o Booking.com avdive džala sine taro 500 dži ko 2.000 eura. Bašo duj rakajriba o moldia si duplo tarifaja. Rezervacia an o hotelo “Stone Bridge” avdive duj kreveteskere apartmania sine 83.126 denari ( paše 1.400 eura) an i “Opera Hosue” 55.417 – paše 900 Ko “Aleksandar squer” 900 eura, a no hotelo “Queen” 500 eura , a ko hotel “Parka” dujkrevetengoro aprtmano 2.000 eura a ko “Best Western” 1.500 eura. Asavke moldia si ko aver da hotelia a but uče moldia isi thaj an o hostekua thaj apartmania baši renta.









