Taro avdive e efta membrengiri familia Demirov taro Štipi kaskoro kher saste thabilo dži ki funda ačhile bizi elektrik an i improvizirimi šupa kote so akana bešena sine. I ekipa taro EVN javinate čhinavgja lenge i elektrika soske nane len pukjimo o borči. Suporto akana akale familiake roden thaj taro ofiso e konsolidaciake e jekhinenge an i akaja komuna. O dizutne kobor šaj te den suporto vakeren odothare akaja familia te šaj majodorig te dživdinel.
– Arakhen pe seriozno problemea . Si len baro borči premal o EVN thaj našti te pukjinen ole. Ola si socialno kategoria familia numa na len socialno. Odoleske bičhavaja apeli dži ko dizutne thaj biznismenia te šaj arakhel pe jekh forma te del pe suporto akale familiake -vakerel o Erol Ademov , učo referenti vash komunikacia e jelkhinenge an i komuna Štip.
Sa okola so šaj den suporto e familiake Demirov šaj te keren donacia an o olengoro konto. Sako suporto si lačhe so ka avel an o akava momento,. Avgo suproto e familiake Demirov reslja taro Lolo Kriso . E familiake si dendo šajdipa te šaj momentalno te keren akomodacia. trao centro socialno bukjenge Štip , havljargje kaj ka den lovengoro suporto e familiake.
Link: http://iris.mk/index.php/vesti/lokalnivesti/16084-2017-01-25-17-02-24
You tube : https://www.youtube.com/watch?v=JMmnIY4xjgg
