Sar so sine anglutne notirime tari rig e Šefeske an o IRU Kriso Gregor Julson an o 16 januari ikergja pe o proceso mujal o Dorin Čoaba tari Romania.
O proceso mujal o Čoaba aso Statuti vash o IRU legaren le sine importantno thaj validno Romane krisaria tari Rusia, Ukraina, Romania, Slovakia, Čehia, Austria, Polska thaj Ungaria. Sar šerutno e IRU Krisoske sine o Gregor Julson tari Švedska a o aver krisaria sine Roma so avena sine taro odola thema: Robert berger, Austria, Alexandru Levers Romania, Robert Botosh Čehia, Todor Muto, Polska, Hajnel Vidov Slovakia, Jurai Berliner Ukraina thaj Niklesju Angeluta Romania.
O proceso sine fokusea sine dende o faktia vash nalegalno registracia an o IRU, trampa an o anavkeriba o membria an o presidiumi an o periodo 2013-2016, thaj phraviba nalegalno IRU Konto thaj korkor anavkeriba anava so si signatura an o odova konto.
Ko 150 minutengoro proceso so sine thaj forma video konfernecia thaj dende argumentia. kote sine drabarde sa o nukte kote so dikhel pe i doš taro Dorin Čoaba.
Ko agor akale procesoske tari rig e IRU Krisoske palo dikhle aktia thaj dokumentacia , sine andi decizia kote akahrel pe o Dorin Čoaba personalno te vakerel bašo došperavina , te sikavel thaj te del i sasti dokumentacia, soske si došperavdo . Agorutno roko te del i dokumentacia si 22 januari 2017 ber – kurko dži ko 24 o saati.
I definitivno decizia o IRU Kriso thaj oleskoro timo ka anen la ko dujtodi 24 januari 2017 berš.
