O sistemi so lena love taro socialno centria tari Britania angje komentaria ki konekcia kote o Roma istemalkeren o beneficie taro danokia solea keren ple khera ko učipa taro 60.000 funte.
O manuš so bikinela purane sastrna o Jon Lazar planirinela e lovencar so lela e čhavenge thaj kreditno liniencar te pukjinel e khereske so kerela le. O mediumia kergje e Jon odokhar barvale so akana pukjinela majstoren te keren oleskoro kher an i Romania kote ka bešen ov, oleskiri romni thaj o trin čhave.
Ov akcentirinela: “! Odola si beneficie. Odola si legalno love thaj bičhavav ov sasto baši Britania”.
Numa odoja situacia tari aver rig sine notirime sar “nacionalno skandali” thaj teleperavin e aver britansko familiencar kote premal o dende love si upreder 30 miloionia funte bašo 20.400 familie so si avri tari Britania ko europakere thema ko periodoi 2012-13 berš.
I telepravin sar forma taro čhavengere love thaj danokoskoro lokhjaripa thaj privilegie kergje e Britaniakere premiere Dejvid Kameron te akharel ko čhinavipa akale beneficienge . O 36 beršengoro Jon Lazar vakerel kaj odola beneficie resela soske nane le pherdo bukjarno vakti thaj lel love sar bikinutno purane sastrneske so na nakhavel o limiti thaj odoleske si tromalo taro pšukjiba danoko, thaj ko jekh ko masek resel plus 1.700 funte love e čhavenge so kerel leske te ovel le jekh lačho dživdipa.
Linko: http://www.express.co.uk/news/uk/544816/Roma-Gypsy-Migrant-Boasts-Free-Money-Benefits-System-Mansion
