An o pervazia e promociake thaj afirmacia e proekteske ” Netvorko e Romane NGO , antvorto e romane jekhinake” an o 28 oktomvri ki štipsko televizia “Iris” ikergja pe debatno emisia an i konekcia e proekteske so implementirinel o netvorko e romane NGO so keren akava proekti a odola si o Muhamed Toči tari Humanitarno asociacia e Romenge ” Mesečina” -Gostivar, Šenaj Osmanov tari Asociacia e hRomane hakoenge an o Štip, thaj sar membri taro lokalno jekhina taro kotor dizjenge tari Purabali Makedonia sine e dizjakoro šerutno e dizjake Kočani o Ratko Dimitrovski thaj o Demir Osmanov, – referenti vash relacia e minjoritetengere jekhinenge an i komuna Vinica.
Ki jekh saatengiri debatno emisija o raho Toči thaj o Šenaj Osmanov dengje piro raporto vash aniba thaj zojrakeriba e romane jekhinake an o proceso an i kreacia thaj implementacia o politike konektirime e socialno inkluziaja , malcinsko minjoritetia thaj maripa mujal i diskriminacia upral o Roma an i Makedonia.
Ko jekh o membria tari lokalno jekhin zapendžargje pe e resarinaja akale proekteske thaj dengej piro dopheripa an i korelacia lokalno nivelo e Romane NGO sektorea thaj i romani jekhin ko thana kote so dživdinena.
O duj riga sine pativale an i konstatacia e mehanizmenge thaj dialog thaj leiba than an o ničalo monitoringo thaj evaluacia e juridsikciakere thaj strategiakere obligacie an i them ko drom taro interesia e romane jekhinake.O resaripa e mangipaske si te anel pe socilno thaj politikani migracia e romane preperutnenge thaj leiba aktivno than an o demokratsko procesiua an i republika Makedonia, so ka del rezultatia e buvljaripaske ko moderno makedonikano sasoitnipa aso saste pervazia.
