Lilencar thaj peticia o dizutne tari mahala Sveti Klara si mujal aniba Romen ki odoja mahala.
Odova aktiviteti startujngja pali havljarin kote e dizjakoro opfiso ka anel Romane famile.
Sa o dizutne džanen, kaj vakeren kaj o plakate thaj aver informacie resle lenge ko lenger post boksia so tergjon anglal olengere khera, thajh na džaen ko si organiyatori akale akciake thaj peticiake.
Ola vakeren kaj o aktiviteti aniba e Romen ka startujnel dži beršeste thaj majbaro kotor olendar si mujal akaja decizia.
Ola vakeren kote ki jekh mahala na trubul “aver mahala”. Ola vakeren kaj nane ola kontra o Roma, numa si kontra sebepi olengoro stili dživdipaske.
–Metali, purane makine, frižideria, karoserie thaj te dikha dali šaj nakhen odothare. Me sium nasvalo manuš thaj but droma avel mange medicinsko vordon , a ola ka našti te nakhen. Odova vakerav kote džanav soske ko mlo pašipa isi man duj khera Romane familiemcar – vakerl jekh manuš tari odoja mahala.
– Trubul sako te dživdinel nekote, Šaj na bi oven ola asavke kana ka trampinen pe olengere šartia te dživdinen normalno thaj te ovel olen egzistencia.
E dizjakoro šerutno taro Zagreb o Milan Bandić vakerela kaj panda si rano te vakerel pe bašo avutne aktivitetia.
O Presidento e Asociake taro Roma an o Zagreb thaj zagrebsko župania o Alija Mešić vakerel: ” Ko princip amen siam mujal getoizacia. Asavko si kerdo thaj an o than Sponica kote si thanjarde 36 romane familie thaj asavko ka keren thaj an i Klara. Odova na dikhav la sar socialno inkluzia e Romenhge an o Hrvatsko sasoitnipa.”
Link: http://www.vecernji.hr/zg-vijesti/uzbuna-u-klari-zbog-dojave-da-ce-im-grad-doseliti-rome-1124203
