Bašo duj milje Fincia i them taro o berš so avela planirinela te del lenge po 560 eura sako masek, bizi obligacia , a odola manuša nane len thaj ni obligacia te roden buti.
O čhave ko finsko škole nane len kherutne obilagice, a i edukacia si lenbge majšukar an i lumia, o kanonia an i them anene pe agjaar so ki debata lel than sako ko ka mangel. Sar te ovel da o keriba utopisko suno kote so ni jekh nane te ačhol po drom, nane te ovel bokhalo, nane te legarel pharavde šea ko than lačhe šea thaj ka ovel ole siguritetno love sako masek a kaske na trubul te ovel le buti na buvljarel pe salde an i Finska, numa thaj ko aver da desave thema sar so si Holandia, Kanada a ko sig vakti akava ka kerel pe thaj ko New Zeland.
O Fincia akaleske kergje diskusia dži ko 9 septembro a akana keren pe analize taro rezultatia taro mitingo thaj i implementacia ka startujnel ko 1-to januar 2017 berš. Agjaar prekal nanotirimi alusar ka oven hulavde 2.000 Fincia thaj ola tari them ka resen lenge po 560 eura ko masek.
Palo duj berša ka implementirinel pe i reakcia akale grupake taro bibukjakere e jekhutne grupaja so majodorig ka resel lovengoro suporto tari berza so legarela 560 eura. I diferenca si odolea so o testirime šaj te khuven ki buti thaj majodorig te len odola 560 eura ko masek, a o aver bibukjarne ka našaven odova suporto te arakhle desavi buti.







