Rodipaja šartia bašo majlačho dživdipa , pobuter Roma anen decizia te džan an o thema te dživdinen an i West Europa. Numa avdive ni jekh na hošinel pe sar šukaravilo. Beršencar napalal o problemi anavkerdo sar “nalegalno migracia” jali “hohavne azilantia” so aven ko thema tari EU, chiden o akti palem aniba vizno režimo e tehemenge taro Balkani.
O kontraktia baši readmisia lungo berša si upral i funda taro sistematsko paldiba e namangle manušenge taro aver kotora tari Europa te iranen len ko olengere thema., kote o Roma palem si mukhle an i izolacia e avare etnukomencar thaj mukhle ki diskriminacia thaj rasizmo. Bičhavde mesažea thaj kavlifikacie e themenge taro Balkani sar “siguritetno thema” sigajren o proceso tari deportacia e romane familienge ko thema kotar so našle.
O globalno politikane procesia, thaj o amsovno egzodusi taro migrantia taro Pše Purab thaj i ekonomsko kriza si aniba ko panda pobaro rasistikani natolerancia an i Europa. I ksenofobično politika kote an i Europa si la drastično forma sar so si barikade, duvaria sa ko dumo taro aver nacie, rasa, religia so si došale bašo sa. Numa i migranstko kriza eskalirinela thaj si nevi bari “daravin” e Europake, udžarel pe o problemi e romane jekhinake thaj o pučiba e diskriminaciaja thaj phagiba manušikane niamia e romane jekhinake resen majteluno prioriteto an i agenda e europakere političarenge.







