Sebepi liparibaja o 8-to April Internacionalno dive e Romengoro, o bugarsko khidipa “Roma Versitas” tari Sofia organizirinela akava importantno datumi e Romane populaciake tari Bugaria. I centralno manifestacia ka ovel ko 7 Aprili 2016 berš an o Centralno askereskoro klubi an i Sofia startea taro 17.30 o časo.
Ko akava utsavalkeripa than ka len romane aktivistia, thaj abre pendžarde membria taro sasoitnikano, kulturno thaj politikano dživdipa an i Bugaria.
Sar koorganizatoria akale diveske si thaj o Nacionalno Konsilo etnikane minjoritetenge an i Bugaria thaj e Sofiakoro univerziteti “Sv Kliment Ohridski”.
I praola akale ber[eskoro utsavalkeripa e diveske si: ” Te roshara o drumo tari tolerancia”







