Ko savato rakjate ko 11 juni sine tragedia koo Brno - Bistrc ko pašipe tramvajsko stasioneske Přístaviště. Nekobor manuša khuvgje ko konflikto so palo odova pčmingje te maren pes kote jekh stransko themutno čhurikaja kergja atako upral duj murša. Jekh taro viktimia palo odova mulo ko hospital. Prekal o infoormacie taro serveri Romea.cz, o mulo si 23 beršengoro Rom. Prekal o prtparoli e policiakoro Petr Vala oo incidenti sine paše ko 20 o časo a o ratvrade trubul sine te oven legarde ko hospitali sebepi posaviba čhurikaja.
„Jekh taro viktimia mulo ko hospitali. O manuš so kergja atako si astardo em phanlo. Kerel pe lafi stransko themutneske kote si šubikerdo aktea “mudaripa” vakergja o Vala ki vaktavin e mediumenge.
O detektivia ko jekh suporto rodena taro manuša ko lengoro rodaripa. “ Te dikhlen akava atako jail dćanena so sine o motivi trubul te roden telefonski ko 158. I policia ko jekh del šukrikerin baš sa o kerde videa taro akava mariba ko mobilno telefonia” vakerel o Vala.
O region Brno rganizirinel sine jekh jagalo spektaklo sar kotor taro tradicionalno šou Ignis Brunensis ko savato rakjate, kote ale mekobor milja manuša. Prekal o informacie dži kote alo I Romea.cz, konflikti počmingja ko tramvai kote jekh grupa stransko themutne na mangena sine te šunen I muzika so mukhel sine aver grupa terne manuša, o duj grušpe iklile ko jekh stasioni kote o konflikto gelo majodoriga.