O Dragoljub Ackovič mangel te lel i funkcia ko Romano nacionalno Konsili kote ko masek aven 1.84 milionia denaria - 15.000 euro. Oleskere eks partneria ko Nacionalno konsili vakeren kaj oleste na interesirinen o Roma, numa o love.
O Slavko Jovanovič aktuelno prezidenti ko Konsili vakerel kaj e Ackovič si le plata sako masek 1.300 eura thaj bare khera, ama ov mangel te lel i funkcia thaj ko Nacionalno Konsili e Romenge an i Srbia.
Sar so vakerel o Jovanovič , o Ackovič kana sine ko Bordi na kergja e Romenge apsolutno ništo. "Jekhutno resarin taro Ackopvič si te lel i legarutni funkcia ko Konsili. Oleste interesirinen o love, a na i buti" notirinel o Jovanovič
Tari agencia bašo maripa mujal i korupcia isi informace taro olekiri lista so isi le ko leskoro anav, kote tergjol sar vice direktori kio Ofiso bašo manušikane niamia kote ko masek lel plata 1.150 eura , thaj sar avrutno bukjarno ko Radio Beograd lela honorari 160 eura. Ko jekh ov si gazda taro 1.400 m2 - kher, thaj aver kancalarie so si moldime but pare.
O Ljuan Koka sar sekretari e Ofiseske taro Nacionalno Konsili e Romenge ,notirinel kaj e Ackoveič interesirinen love, a na Roma.
"Nae čudno so mangel ov te ovel legaruno soske odothe isi budžeti. Legarel emisie ki romani čhib, a nadžanel šukar i romani čhib. Numa mangel te ovel o majbaro Rom an i Srbia" - notirinel o Ljuan Koka
http://www.informer.rs/vesti/drustvo/38743/BAHATO-Ackovic-zaradjuje-ima-kvadrata-i-hoce-jos
