O legendarno romano giljavutno Šaban Bajramović, ko plo dživdipa sine le interesno detalia , kote o mediumia šaj avgo drom šunena. I romani legenda Šaban Bajramović biamo si an o Niš ko 16 aprilo 1936 berš. Ki škola na džala sine a interesirinel le sine i muzika. Muzičko na sine educirime, thaj o džanlipa siklilo le korkoro.
Kana phergja 19 berša gelo ko askeri ki teganutno Jugoslovesnko armia. Ko odova periodi sine le kamli kaste but mangela sine thaj sebepi olake našlja taro askeri te šaj dikhela la. Sebepi o kerdo dezerterstvo taro Askereskoro Kriso sine phanlo 3 berš an o Goli Otok.
Sebepi so anglal o Kriso taro askeri vakergja kaj kobor te phanen le ov šaj sa odova te ikerel, o Kriso phanlele 5 berša.
Ov ko phanlipa Goli Otok, formiringja orkestri e phanlelncar kote maškar o javer bašaven sine jazz, Amstrong, Sinatra špansko thaj meksikansko gilja thaj aver.
Interesno fakti si kote pali akharin taro Nehru thaj i Indira Gandi, gelo an i India kote dengje le phursako "Thagar e romane giljake an i lumia"
Trujal i muzika sine le interesno thaj filmsko kariera kote khelgja nekobor rolje ko odola filmia.
Ko filmi "Kurkeskoro hajbe" taro 1982 berš khelgja i rolja sar giljavutno. Ko 1987 berš ko filmi " Andžeo čuvar" filmi taro Goran Paskaljević , ki rolja sar dat Šain. Ko filmi taro Stole Popov "Džipsi Medžik taro 1997 berš khelel i rolja Omer. Ko filmi taro Emir Kustirica "Kali mačka, parni mačka" taro 1998 berš i gili " Bubamara" sine lagerutni muzikakiri ilustracia ko filmi kote so ov giljavela la.
E lumiakoro pendžardo magazini "TIME" , e Šaban Bajramović notirinela sat jekh taro deš majbare blues giljavutne bašo sa vaktia.
An o oleskoro parunipa ko 8 juni 2008 berš than lele o teganutno prezidento tari Srbia o Boris Tadić, o ministeri socialno bukjengje Rasim Ljaić, i Premieri tari Srbia Zoran Živković, o režiseri Goran Paskaljević , o giljavutno Željko Samardžić thaj aver.
