Avdive ani Budapesta, ano prezenca e signifikantno gendo romane sherunengo kotar o EU thay o Pashcimalo Balkan ikergjape Samiti vash i tema " Dikhipe e EU romane politikako: kotar o lokaluno ji ko globaluno".
Kothe sas romane politikane reprezentantura ande gavermentura thaj parlamentura anda Hungaria, Hrvatska, Utarali Makedonia, Srbija, Rumunia, Slovakia, sar vi romane lideria, reprezentantura anda romane internationalni organizaciji, sar exemplo o presidento anda IRU Zoran Dimov, thaj o sekretari anda o IRU Parlamento thaj trezori Veli Husein . Sas vi prezenca prekal online video netvorko aver romane liderenge taro EU thaj Rajutno Balkani.
O samit organizirimo kotar e trin romane reprezentantia ko gavermentoske institucie kotar o Ungro, savo si vi presidento e EU-esko, Attila Stojka, themesko sekretari vash socialno inkluzia thaj relacie e romenca, Ministeri vash andrune bukja, Ungro, Horvath Janos Sándor, thaj aver. Generalo direktoro andar generalo direktorato pale socijalno inkluzija thaj o Abba Horvath István prezidento anda Ungriko Romano Nacionalno Korkoro-Govermenti.
Korkoro Samiti vakergja thaj isi le nesave sesie e panelenge: "Rola e alosarde romane ofisionalenge ko buvljaribe e politikako kotar EU thaj Zapadno Balkan".
„Kordiniribe e nacionalno thaj romane inkluzijake strategijengo ano niveli e EU-esko thaj Rapadno Balkanesko“, “Zurjavipe e politikane influencako e Romengo ano EU thaj Rapadno Balkansko institucie” thaj “Kerenpe mehanizmja taro odgovornosti bašo implementiribe e politikako”.
Akava khedipe si numay introdukciya vash nesave yavera khedipya kola planingyona ano 2025. bersh, kova mangla te zurarel o institucionaluno politikuno influenca e Romengo kotar EU thay Radutno Balkani ano institucie thay may shukar kreiripe avutne politikengo phanglo e Romencar thay Roma problèma.
Aver rig, e konkluzie thaj e rekomodacie kotar akava Samiti ka oven prezentirime ko Evropako Parlamento, Komisia thaj Evropako Konsilo.
