O ZRDICM thaj Go Green organizirinen Panel diskusia : " Konektiriba e naformalno persone so kheden plastika ko ikerde sistemoabašo legariba gunoj an i diz Skopje"

An o 20 Novembro ko dujtodi startea taro 11 o časo an o EU Info Centro ko Skopje ka ikerel pe panel diskusia "Konektiriba e naformalno persone so kheden plastika ko ikerde sistemo bašo legariba gunoj an i diz Skopje"

Inicijatoria organizaciake an i akaja panel diskusia si o Khidipa Romane Biznis Informativno Centro thaj o Khidba Go Green - Skopje

Aso i agenda akale panel diskusiake piro than ka len o Ministeri baši sociala Mila Carevska, Dizjakoro šerutno e Skopjeske Petre Šilegov, Themakoro sekretaro an o ministeriumi bašo dživdipaskoro trujalipa Ana Petrovska, i Ana Maznevska Karanfilovska , Pefo an o sektoro gunoj, min. dživdipaskoro trujalipa, Zlatko Hristovski Vicedirektoro an o JP Komunalna Higiena thaj avera.

Pire diskusie thaj prezentacia ka oven e Zoran Dimov taro ZBRICM thaj Antonio Jovanovski tari Asociacia "Go Green" kote ka prezentirinen o džanlipa ko pilot proekti anavkerdo " Khedaja i plastika kheral" suportoa tari Diz Skopje kote sine konektirime 385 khera thaj 10 persone so khedena PET ambalaža so sako dujtodi kheden sine i plastika taro khera.

Akaja panel diskusia sar finalno akcia akale proektoske so si finansisko suportoa tari diz Skopje thaj ko teren suportoa tari komuna Aerodrom.

Ko jekh ka diskutirinel pe neve standardoa e profesiake " Persona so khedel thaj selektirinel o gunoja" so sine dendo propozalo taro Asociacie a akceptirime tari rig e Centroske profesionalno edukaciake thaj praktika , o Ministeriumi sociala. I nevi profesia si la mangipa te del kanonikane norme ki buti akale profesiake prekal edukaciakiri programa te ovel le legitimacia thaj integracia okolemge so khedena plastika an o formalno sistemi ko khediba plastika.

I bukjarni grupa kote membria sa o relevantno institucie thaj asociacie (i diz Skopje, Min. socijalake, UNDP, i asociacia Go green, ZBRICM, Public thaj o Pakomak. I bukjarna grupa si la resarin te del propozalia an i trampa ko akanutne politike jali propozalia neve aktia thaj strategie so ka mukhel integracia e personenge so kheden i plastika an o sistemi)

RDICM2 1711


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 22

Yesterday 173

Week 22

Month 1500

All 459743

Currently are 35 guests and no members online

Kubik-Rubik Joomla! Extensions