I inicijativa taro Presidento an o ZDRICM o Zoran Dimov , suportoa taro buteder Romane thaj na Romane NGO sar so si InSoK - Skopje, Mesečina - Gostivar, Sonce -Tetovo, Romalitiko, O khedipa bašo niamia e Romenge - Štip, REDI, Drom -Kumanovo, Kham -Delčevo, Go Grin - Skopje thaj aver thaj ko jekh o aktuelno romano deputato an o Parlamento an i RM o rajo Samka Ibraimovski anavkerdi sar "Start up Roma 2018 -2020" thaj kerdo plano sine dendi an o Kabineto e Ministereske bizo portfolio o Aksel Ahmedovski kote ko barabutni avgo koodinativno mitingo formirime si nekobor grupe te keren leske definiriba e operativno programake kote an i odoja grupa than lelja thaj membro taro Ministeriumi baši buti thaj socialno politika MTPS. Oj si akana sar finalizirimi thaj ka del pe ko govermenteskere komisie.

Ko jekh an o 18 septembro akava berš ko vakti tari Rotali mesali anavkerdi sar " Implementacia e strategiake e Romenge thaj o politike an o bukjarnipa" o korkoro ministeri Aksel Ahmedovski akcentiringja kote akava operativno programo ka ovel dendo dži ko Govermento e Rmbaši olakiri realizacia.
Trubul te akcentirinel pe kote i sasti operativno programa bašo Start ap Roma 2018 -2020 ko mart akava berš sine dendo dži ko Ministeriumo baši buti thaj socialno politika te den piri percepcia thaj opservacia.

Prekal o Start up Roma inicijativa planirinel pe te keren pe thaj istemalkeren pe o akanutno sistemo majlokheste te khuven an i buti thaj te dikhen o šajdipa an o konkuririba suportoa taro rpovajderia, promotoria thaj mediatoria / Civilno organizacie (CO) thaj monitoringo e akanutne programenge ko bukjarnipa e Romenge.

I resarin akale operativno programake si te vazdel pe i gind thaj te motivirinen pe (sar) o institucie (agjaar) thaj o kompanie em o korkoro Roma, aktivno te len than ko lende akcie an i konekcia bukjarnipa sar so si o (aktivno) akcie tari Agencia bukajrnipaske an i Republika Makedonia (AVRM), (thaj o Strateško plani taro relevantno Ministeriumia, thaj Programa buvljaripaske), i Nacionalno Strategia te tikjnarel pe o čorolipa 2010-2020, i Strategia e Romenge Стратегијата 2014-2020 thaj o Nacionalno Akciono plania.

Akale resarinake ka oven angažirime majhari 40 promotoria promociake taro aktivitetoa tari akaja operativno programa thaj buteder Romane thaj na-Romane NGO so ka den suporto an i realizacia akale programake , barabutne e AVRM-ea.

I Programa deiba džanlipa an o sektoria sar so si : proceso taro artikliriba hajbaskiri industria, tesktilo thaj mortikhakiri industria, ugostitelsko thaj zanatsko profesie, frizeria, šnajderia thaj avera.

Ko jekh o NGO ka motivirinel e Romen te šaj buvljaren piro socialno pretpriemništvo thaj majlokheste te aven dži ko kreditiriba thaj registracia e kompanienge jali sar pravno subjekto -firma.

Ka inicirinen prekvalifikacia thaj džikavlifikacia , praktike thaj resiba dži ko sertifikatoa baši desavi profesia -džanlipa (prekal o Romano inkubatoro - ofiseskere, virtuelno thaj mobilno ) Akale konsekvenciake ka roden pe dopherde fondoa esktra an o kotor kvalifikacia, džikavlifikacia e phureder personenge thaj e džuvlenge.

Ko jekh ka dikhen pe o prametria thaj šartia em kriteriumia bukjake thaj bukjarnipaske. Odothe ka konektirinen pe thaj o naformalno persone so kheden sekundarno elementia prekal praktike resarinaja te ovel len džanlipa thaj sertifikato baši profesia sar " instrumentalisto e surovinencar" prekal institucia so ka realizirinel thaj ka kerel sertifikaciakere praktike.

Trubul te akcentirinel pe kaj o Romano inkubatori thaj o AVRM ka del suporto sa e Romenge so kamen te putren piro personalno biznisi , jali te istemalkeren desave aktivno akcie taro AVRM jali aver prekal o hazrkeriba e dokumentaciake, organizacia an o praktike jali suprot kana mangen te registririnen pe an o AVRM thaj informacie vash aktivno akcie taro AVRM.

Ka hulaven o kriteriumia bašo sar šaj te istemalkeren o aktivno akcie taro AVRM (Ka informirinen e Romen save aktivitetia aplicirinen pe an i Agencia bukjake, o pasivno thaj okola so nadžanen o kriteriumia bašo formiriba nevi firma, asar aktivno akcia sitemalkeribaja o Romane Informativno Centroa (RIC), so si formirime tari rige e Ministeriumi bašo socialno politika thaj ka kerel pe edukaciia (kursia, trening thaj aver aktivno akcie) taro AVRM.

Ko jekh akale operativno programaja - Start ap Roma 2018 -2020 , planirime si an i buti te khuven upreder 2.500 Roma.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 41

Yesterday 133

Week 174

Month 1974

All 455179

Currently are 68 guests and no members online

Kubik-Rubik Joomla! Extensions