O Ronald David "Ronnie" Wood si pendžarutno britansko gitaristi thaj basisti , so taro 1975 berš si membro an i pendžarutni rok grupa Rolling Stones.
Ov si biame an o 1 juni 1947 berš an o London.
An i poro lungo muzikakiri kariera startujngja la panda an o 1964 berš trampibaja pobuter rock grupe. Ko maškar vakti ulo pendžardo muzičari thaj oleskoro lungoberšeskoro amala thaj membro an o Roling Stounsi o Kejt Ričards an o 1975 berš akhargja le te ovel membro an o odova bendi. O Roni ko jekh si but talentirimo art galeristi thaj ilustratori karikaturenge.
Oleskere darhie si romane, barilo an o kvarto kote sine buteder Romam so aso odorigutno anava ola anvkeren len sine sar o "Roma taro panja" sar so si anavkerde odola so aven taro odova kvarto Hilingdon.
Ov sar membro taro pendžarutne Roling Stonsia an o 1989 berš sine akceptirime an i majpendžarutne Rock and Roll Hala majbare muzikakere anava.
An o 2017 berš e Vudeske sine dijagnosticirime kanceri an o parne bukhe, sebepi so kergja pe operacia thaj ikaviba kotor taro parno bukho. O Vud na manglja te kerel hemoterapija soske na manglja te našavel pire bala.
