O Tajson Fjuri vakerela kaj " si hazri te akahren le" te šaj del suporto e manušenge so si len problemia e mentalno sastipaja thaj o stavia taro Deonte Vajlder akale pučibaske si "naeducirime"

E Fjuri si le meči mujal o amerikanco Vilder an o 1 decembro titulake ki phari kategoria aso WBC verzia.

"Trujal o boksi me gindinav kaj akava si miri okupacia te šaj dav suporto aver manušenge so si len asavke problemia" vakergja o Fjuri bašo BBC Sport.
"Mangipaja te nakhave akava problemi te sikave kaj na sian kišli persona , na sian mazumi thaj bibahtalo thaj nasukcesialo.

Read more ...

An o kava sportsko mečia so an o 30 septembro ka ovel an i Slovenia ki diz Murska Sobota kote ka len than sportistoa thaj tari Srbia.

O Presidento e Romane inicijativake Milorad Popović sine an i vizita e Sportikane Uniake tari Srbia te sikavel o plano taro aktivitetoa.

Ki akaja sportikani manifestacia ka ovel organizirime amalikano sportikano meči maškar Srbia thaj Slovenia.

Read more ...

E lumiakoro šampionati an o fudbali an i Rusia si aktuelno, Oleste khelela momentalno thaj o majšukar romano fudbaleri an o momenti i čeren Rikardo Quaresma.
Ov si kotor tari Protugalsko reprepzentacia thaj khelgja o agorutne deš minutia ko meči mujal i Špania so agorkergja 3:3.
O Rikardo Andrade Quaresma si biamo an o Lisabon an o 29 spetmebro 1983 berš.

Read more ...

Šudro badalano dive ko nort kvarti an i Moskva , 16 džene bizo khera thaj 12 volonteria taro NGO khedingje pe an o parko Sokolnik te khelen fudabli.
Ola khelen sine fudabli ko fudbaleskoro šampionato e manušemnge bizo khera organizirime taro NGO Milosrdie, salde 5 divesa anglal o startzi e Fudbalsko lumiakere šampionateske an i Rusia 2018 . Aso o organizatori akale mečeske Irina Mešerekova, sine organizirime te sikaven kaj "O fudbali si savorenge".

Read more ...

Bašo buteder tari jekh milijarda muslimania an i sasti lumia taro persi štartodi, startujngja o Ramazani

Numa bašo buteder taro 100 fudbaleria taro šov majbut musilmansko thaj aver thema o avutne 30 divesa ka oven periodo taro intenzivno treningia bašo olenge majbut dženenge importantno divesa an o olengiri profesionalno kariera. Jekh dive angleder e Ramazaneskoro posti startujnela e Lumiakoro šampionati 2018 an i Rusia.

Nesave fudbaleria - muslimania planirinena aver čhane te faisalkeren akava momenti. Buteder ka istemalkeren o forme so si as o Kurani hramosarde thaj rezervirime bašo okola so si nasvale, so dromarena jali keren phare fizičko aktivitetia.

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 238

Yesterday 133

Week 371

Month 2171

All 455376

Currently are 79 guests and no members online

Kubik-Rubik Joomla! Extensions