i Gazeta "Vijesti" taro Montenegro akharibaja an o informacie taroOfiso e policiakoro, havljarela kaj o Ex makedonikano premiero Nikola Gruevski so si ko egzili iklilo taro Montenegro diplomatsko vordonea "Folsvagen Jetta" registrasko tablicencar CD 1023 kote sine thaj duj hungariakere diplomatia , Kusler Antala thaj Varsalvai Šaba, diplomatsko pasportencar.

O Gruevski aso i informacia , an o Montenegro khuvgja an o 11 novembro an o 19:19 o časo, a no simantrakoro nakhiba Božaj, a aso o informacie taro Vijesti, istemalkerel sine personalno identifikaciakiri karta ko oleskoro anav.

Read more ...

Ko savato ko 10 novembro an i Slovakia sine ikerde lokalno alusariba . Diferencijaja tari Čehia kote dizjakere šerutne alusaren pe direktno taro komunakere konsiloa, e dizjakere šerutne an i Slovakia si direktno alusarde aso individualno kapaciteto.

Buteder taro romano elektroati an i Slovakia dikhen akala alusariba sar šansa te len o bukja an o pire vasta thaj buteder droma resle te keren. Akava drom 41 nevealusarde romane dizjakere šerutne , 39 murša Roma thaj duj romane džuvlja ka len o funkcie romane dizjakere šerutne an i sasti them . O socialno netvorko sar importantno mediumi informacienge akcentirinela kaj akala lokalno alusariba sine katastrofalno procento iklile votaria aso o live an o FB so sine havljarde akava vikendi.

Read more ...

I statistikani operacia gejniba an i Makedonia so ka implementirinel pe an o april 2020 berš . Planirinel pe te oven angažirime paše 5.000 anketaria an o 8 čhibja so ka kerel pe kombinirimi metodologia : informacie taro tereni, informacie taro registria, si notacie an taro brifing e žurnalistencar taro direktori e Themakere ofisoske baši statistika Apostol Simovski.
Ko propozalo taro Themakoro ofiso statistikake an i draft verzia e kanoneske bašo popis rodela pe ma te ovel pučiba bašo etnikano thaj religiakoro preperutnipa te šaj akaja statistikani operacia protektirinel pe tari politizacia , numa te ovel pučiba baši čhib , jali i čhib so kerel ope noramlno komunikacia an o kher thaj sar pli dajakiri čhib.

Read more ...

Šov policiakere vordona thaj paše 30 policajcia erati avile an i romani mahala Podvorce sar asistencia e bukjarnenge tari elektrodistribucia so čhinaven sine i elektrika e Romenge so si borčlie.

O čhinajbe elektrika e deš fasmilienge sine sebepi baro borči so iksi e Romen tari akaja mahala.

O romane aktivistia na dengje nisavi reakcia akale akteske, a o Roma tari mahala kergje reakcia soske ola trainena thaj sikaven naintereso akale problemoske. Ola reagiringje da soske avilo baro numero policia an i mahala.

Read more ...

An o 13 novembro sine promocia e Europakoro Romano Instituti bašo arti thaj kultura (ERIAK) transnacionalno institucia majbare minjoritetenge an i Europa, so ka kerel zori maškar o Romane thaj na Romane faktoria taro arti thaj kulturakoro stejdžo an i Makedonia.

„Nane socialno inkluzia bizi kulturakiri inkluzia trujal so o romane diskursia ačhon fokusirime an o kherutnipa, sastipe, edukacia thaj buti kote o Roma panda si čhivde an o pervazia kana kerel pe lafi bašo romano pučiba e romane problemonge" vakergja o direktori taro ERIAK an i Europa , Timea Junghaus.

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 27

Yesterday 173

Week 27

Month 1505

All 459748

Currently are 39 guests and no members online

Kubik-Rubik Joomla! Extensions