Avdive an o EU Info centro (20.11.2018) startea taro 11:00 o časo an i organizacia taro ZDRICM thaj Go Green keren Pasnel diskusia : " Inkluzia e naformalno reciklatorenge ko optimalno sistemo legaribaja o gunoj an i diz Skopje"

Aso i kerdi agenda an i akaja panel diskusia piri notacia thaj prezentacia ka overl e Zoran Dimov taro ZDRICM thaj o Antonio Jovanovski tari Asociacia " Go Green" kote ka prezentirinen o džanlipa taro pilot proekto anavkerdo sar " Khedaja i plastika kheral" suportoa tari Diz Skopje kote konektiringje pe 385 khera thaj 10 selektoria so kheden i plastika taro odola famile.

Ko jekh than ka len membroa taro Ministeriumi baši sociala thaj buti, i Diz Skopje, Themakoro sekretaro an o ministeriumi bašo dživdipasskoro trujalipa Ana Petrovska, Ana Maznevska Karanfilovska šerutno an o sektoro gunoeske, Min, dživdipaskere trujalipaske Zlatko hristovski, vice direktoror an JP Komunalna Higiena thaj avera.

Read more ...

Pali agorutni notacia taro direktoro e Ofisoske baši statistika o Simovski kaj an o formularo bašo Popis e dizutnenge planirime an o April 2020 berš ma te ovel i grafa "etnikano preperutnipa" numa aso i čhib so i familia istemalkerela la sar piri "dajakiri čhib" thaj odole formaja ka definirinel pe savo etnikano preperutnipa si odoja familia.

Barabutno stavi thaj reakcia ko majbaro numero Romani populacia sar tari rig e NGO Romane sektorea thaj tari Romano NGO Platforma thaj an i asavki forma ka definirinel pe o pois e dizutnenge , ekstra an i Romani populacia an i R.Makedonia ka kerel pe nevo genocido upral o Roma.

Odoleske i Romani platforma taro NGO sektori bičhavgja rodaripe dži ko duj romane parlamentarno deputatia o Samka Ibraimovski thaj Amdi Bajram sar Romane membrora ko vakti e parlamentarno diskusienge akale kanoneske te den amandmano kote i grafa etnikane jekhinenge trubul an o Formulari Popisoske e dizutnenge an o 2020 berš.

Read more ...

O pendžardo italiansko režiseri thaj oskarovci o Salvatore Gabriel kerel nevo filmi anavea " Te grabungjum tut ma dara" . Ko vakti snimibaske taro akava filmi ko džaziri Pag sine šajdipa te len than pinda Roma.

O režiseri manglja te sniminel scena taro Romano biav kote than ka len pinda Roma. Te šaj arakhen pe statistia akale scenake angažiringje i produkcia Antitalent taro Zagreb.

Sebepi tikno numero Roma so dživdinen an o regiono an o Zadar thaj o trujalipa i produkcija angažiringja statistia Roma taro sa o beršipa tari Rijeka, Zagreb thaj Sisak, a sine em Roma taro Megjumurie thaj i Srbia.

Read more ...

I legenda so notirinel i konekcia maškar o Roma thaj i bavlal. Ko nakhlo vakti i bavlal e Romenge anela sine bari bibaht.

Jekh drom but ko purano vakti jekh Rom chidingja ko dur droma pe familijaja baši egzistencia. Sine but trušale thaj na sine len pani pijbaske thaj ačhile trujal jekh bunari ko jekh gav te šaj pien pani. Taro jekh drom iklilo zoralo Kham , thaj o Rom čhivgja po vast ko plo te šaj ko rahati te piel o pani ma te smetinel ole o kham. . Palo odova ov pe familijaja chidingja o drom majodoriga. Taro jekh drom o Kham vakergja leske: " Soske na seljaminkjergjan man?".

Read more ...

An o agor e masekoske septemvri akava berš štarto drom an o Brisel sine "saemi" e čhavenge bašo homoseksualcia. Akava bisnisi si le profiti thaj i majteluni moldi jekhe bebeskiri but siga bajrola. Save niamea i Europa diskutirinel bašo niamia?

Save niamea i Euiropa kerel diskusia migrantsko politikake, transparentnost, integriteto, jekhipa kana an o 22 thaj 23 septembro an o Brisel ko maškar e Europake plao štarto drom bukvalno organizirime si asavko saemi telel i organizacia Men having babies,so kerel sar organizacia so kinobikinel e homoseksualcenge čhave te šaj ove dada thaj daja.

O homosaksualno paria ko akava saemi dikhen i lista em o moldia taro bebia thaj aso o kvaliteto anena decizia. Majteluni moldi si 60.000 dolaria a i maksimalno 160.000 dolaria

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 23

Yesterday 173

Week 23

Month 1501

All 459744

Currently are 33 guests and no members online

Kubik-Rubik Joomla! Extensions