O persi kurko o Fundavutno Kriso an i diz Miškolc an i Hungaria dengja propozalo e hospitaloske te čhinavel i praktika te trubul te pukjinen o klientia dajašere šea e amalenge thaj familiake tari i romsni so bijanela.

O kriso akceptiringja o argumentoa taro ERRC kaj akaja praktika direktno kerel diskriminacia e dajen so dživdinena ko čorolipa thaj odoleske o Romane khamne džuvlja akale faktoske but droma bianen khere ko than te džan ko hospitalo soske našti pukjinen akaja praktika an i akava lokalno hospitalo.

I politika akale hospitaleskiri si kaj o džuvlja kna džan te bijanen trubul te oven uravde ko dajakere šea sebepoi i higiena thaj šaj kinen la salde an o akava hospitalo. Familienge so nane len but love ko akava čorolo regioni an i Hungaria is but romane familie thaj i moldi akale opremake si olenge but kuč - skupo.

Read more ...

O ministeri avrutne bukjenge tari Indija Sushma Swaraj lelja than an i internacionalno Romani konferencia an i India thaj ki pli diskusia istemalkerel sine e nekanutne indiakere presidente Indira Gandi so saste notiringja kaj o Roma si Indiakere čhave, thaj oja da odova notiringja kaj o "Roma si nacia tari India"

“Tumen  sien e Indiake chave so mukheln i them sine sine čhivde telal bari presia thaj genocido numa ikergjen tumaro identiteto".
Ko jekh o ministeri avrutne bukjengje an i India Sushma Swaraj kaj o Roma si jekh pozitivno egzamplo an i pativ an o multikulturno trujalipa.

Read more ...

I bibaht so si an i familia Morina tari Švedia vazdingja alarmi bašo arakhiba love te šaj te kerel pe operacia e tikne Abdul Basir.

Nekobor divesa anglal oleskoro biando dive oleskere jeria notiringje kaj ov na dikhela baš šukare . Urgentno legargje le ki kontrolas thaj analize.

Palo kerde analize notirime si kaj o tikno Bato si le tumur ko duj jakha. Sine lenge dendo propozalo thaj arakhlo termini baši hiruško intervencija ko duj jakha an o 3 januari an i Švajcaria. Numa i operacia si but kuč thaj oj si 1.3 milionia švedsko krune , i familia bičhavgja apeli dži o sa humanitarno persone te den lovengiri arka . Odova apeli but sigate buvljargja pe ko socialno netvorko thaj akcia bašo khediba humanitarno love.

Read more ...

Efta Romane familie an i lokacia anavea RE ačhile bizo khera sebepi so angleder desave divesa sine bari jag an o gav Lovina an i simantra maškar o komune Kotor thaj Tivat. Ko odola familie gejnen 42 membria kote 30 olendar si čhave.

”I bari jag thargja sa amen so sine an o kher thaj 12 vordona so ačhavena i jag resle an i intervencia taro Tivat thaj Kotor so ačhavena sine i jag"

O duj da komune vizitkergje o than em e familien so sine astarde tari akaja abri jagali stihia thaj mukhljalen bizo khanči.

Read more ...

O fundavno kriso an i Bitola, Makedonia angja decizia mujal jekh bazeni sebepi kerdi direktno diskriminacia e Romeske odolea so na mukhlja le te khuvel an o bazeni an o nilaj 2017 berš sebepi oleskoro etnikano identiteti.

O kriso angja decizia kaj o bazenti Dovledžik te čhinavel i praktika mas te mukhel Romen an o bazeni thaj te del love 1.000 eura e romeske Fikri Jašarov (37) so vazdingja kriseskoro proceso mujal o bazeni suportoa taro ERRC. 

„O sekjuriti an o bazeni vakergja e Fikreske thaj panda jekhe Romeske so sine olea kaj našti khuven an o bazeni soske si len ingerencie ma te mukhen Romen. Odova nilai o ERRC organiziringja testi baši diskriminacia kote konektirime sine šov Roma thaj štar na Roma, thaj o rezultati taro akava testiriba sine aplicirime anglal o kriso sar fakti. Sa e personenge so na sine Roma mukhle len an o bazeni , a sa e Romen na mukhle len te khuven" vakeren taro ERRC.

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 18

Yesterday 173

Week 18

Month 1496

All 459739

Currently are 37 guests and no members online

Kubik-Rubik Joomla! Extensions