O havljarina kaj ka kerel pe popis e dizutnege bizi grafa etnikano thaj religiakere preperutnipa amenge si sar notacia an i administrativno asimilacia sar extra avtohotno jekhin - Egipkjania , an i Albania o Roma reagirinena tari naformalno civilno Koalicia e Egjipkjanenge.

Ola an i notacia vakeren kaj kotor taro Egipkjania em i čhib so keren si albanikani a o čhave majbut džana an i škola thaj keren makedonikani čhibjakiri edukacia.
"But generacie taro 1991 berš dži avdive agorkjergje piri edukacia an i makedonikani čhib.

Šaj te avel dži ki asimilacia ko Roma soske neko taro Egipkjania notirinen pe sar Roma, mangipaja te resen benefiti so si garantirime Ustavea tari Republika Makedonia.

Read more ...

Kaj o talenti po desavo drom si garavde so ni korkoro našti dikhel pe si sar ki terni 20 beršengiri Jelena Ačimović so namangle dikhlja kaj si but talentirmo zavaruvači.

I jelena si taro gav Veliki Crljen an i Srbia thaj dromargja i sasti lumia salde so si la talenti bašo zavaruvači. Oj an o 2016 berš pire ekipaja geli an o šampionati an o Peking - Kina kote resle trinto than.
Faktea kaj an i džuvljani kategoria oj sine jekhutno zavaruvači ikljola kaj si oj lumiakoro šampioni sar zavaruvači - džuvli.

Read more ...

O Ministeriumi baši edukacia an o sikljovipaskoro 2018/2019 berš ka del 880 (oftošelu oftovardeš) stipendie an o pandž kategorie siklenge Roma so si hramosarde an o jekhto,dujto, trinto thaj štarto klasi taro themakere thaj pšrivatno škole an i Republika Makedonia.
Ko sikljojbaskoro 2018/19 berš dena barabutne 880 stipendie e Romane čhavenge taro maškarutne škole an o pandž kategorie kote:
Ki jekhto kategoria dena pe 200 stipendie e Romenge maškarutne sikle ko sikljojbaskoro 2018/19 berš ko učipa taro 2.200,00 denaria an o masek ko siklo bašo reslo sukcesi taro 4.50 dži ko 5.00 ko agorutno sikljojbaskoro berš;

Read more ...

Dikhibaja o faktia thaj o numeria sar jekh notacia i R,Makedonia taro piro biathinalipathaj sa dži ko avdisutno dive - 27 berša, trujal olakoro proklamacia sar jekh multietnikani, multikulturikani thaj sa e jekhinenge jekh them, iranel pe i gind kote an i praksa odova nane agjaare "pink" .

An o akava ka akcentirinav o momenti e Romane jekhinake kote aso i Statistikani operacia - Gejnipa (Popis) an i RM taro 2002 berš o Roma si sublimato paše 2,7% (53.879), kote o Roma si štarto an o rango aso etnikano gejnipa sar etnikani jekhin (palo Makedoncia, Albancia thaj Turklie).

Pendžaripaja o saste faktičko deklarativno napia tari socialno inkluzia (civilno inkluzia) thaj bukjarnipa si seriozno momento kote an o kontinuiteto arakhel pe i Republika Makedonia . O bibukjarnipa si problemi so arakhen pe sa o target grupe taro persone bizi buti taro teleperavde kategorie sar so si o : terne, butvakteskiri bizi buti , socialno arka so lena, persone bizi bari edukacia thaj avera.

Read more ...

Akaja bari suma love sine dendi bašo rodaripa thaj progreso e Romane čhibjake an i lumia. I studia ka ovel džiakana majbari e Romane čhibjake.

O Romano rodaripe an o Nordisko regiono sine formirime an o Universiteto ko Soderton an o 2017 berš.
O profesoro palo Romane studie Kimo Grankvist si an i faza taro starto šovberšengoro rodaripa e proektoske faisali adresirime an i Romani čhib ko akava momento an i lumia.

Akava proekti si but baro thaj odoleske o Jubilarno fondi an i Riksbankafinansirinelale thaj dela 4,3 milionia eura.

"Okova so kama te kera si te hava o konteksti sar istemalkerel pe i Romani čhib thaj an i savi forma istemalkeren o aver čhibja" vakerel o Kimo Grankvist thaj panda notirinela:
- I Romani čhib an o kontinuiteto trampinela pe. Kana si miksujme avere čhibjencaR thaj dialektia save si o rezultatia?

Read more ...
FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 23

Yesterday 173

Week 23

Month 1501

All 459744

Currently are 36 guests and no members online

Kubik-Rubik Joomla! Extensions