O fundavutno kriso an i Bitola angja i dujto kriseskiri decizia mujal o bazeni " Dovledžik" an i Bitola sebepi direktno diskriminacia thaj teleperaviba o niami an o jekhipa nekobor Romenge odolea so na mukhlja te khuven an o bazeni an o 12 avgusto persi berš sebepi olengiri etnikani identifikacia, vakergje taro Europakoro centro e Romane niamenge . O Kriso dengja dekreto e bazenteske so si gazdia odothe te čhinaven akaja praktika ma te mukhen e Romen an o bazenti thaj te pukjinen 10.000 denaria sakone personake individualno.

„Akaja si akana dujto ando kriseskoro decizia taro makedonikane krisia so sar fakti taro kerdo testiriba e situaciake so sine organizirime taro ERRC . An o akava akti o timi taro ERRC an o 12.08.2017 berš barabutne e lokalno NGO "Bairska Svetlina" tari Bitola organiziringje test simulacia baši diskriminacia an i Bitola kote sine konektirime pandž Roma thaj pandž naRoma , thaj o rezultati sine taro testiriba sine sar fakti anglal o Kriso . Ko odova testiriba sa o persone so na sine Roma sine mukhle an o bazeni, a o 5 Roma na sine mukhle an o bazeni" vakeren taro ERRC.

Odoleske ola bičhaven mesažo kaj akala duj kriseskere decizie taro Fundavno Kriso an i Bitola bičhaven mesažo kaj o Roma na troman pobuter te oven diskriminirime thaj odova ka oven pozitivno efekto e Romenge tari Bitola.

„Anglal sa akava si bari viktoria e Romenge tari Bitola , so sako nilaj arakehnpe akale rasistikane diskriminacijaja an o lokalno bazenia thaj odova sine but phareste te sikavel pe sar fakti. O testingo dengja suporto te sikaven pe o realno faktia kaj akaja sistematsko praktika thaj čačutne te sikaven pe anglal o Krisia. Asavki kriseskiri decizia si presedano an o makedonikane krisoa thaj pakhava an o regiono. Importantno si so o Kriso dikhlja direktno diskriminacia an i grupa dizutne upral pobuter funde jekha dromeste: etnikani funda, i morthik thaj jeripa. Čače pakjava kote asavke krisoskere decizie ka oven sar lekcia kaj trubul tolerancia thaj sadživdipa mašakar induiferentno jekhina an i them" vakergja i Senada Sali jurisdikti an o ERRC.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 23

Yesterday 173

Week 23

Month 1501

All 459744

Currently are 33 guests and no members online

Kubik-Rubik Joomla! Extensions