I Aleksandra Mitrović (22) e incidenteske maškar o poštaro thaj Roma tari mahala Ljubić Polje an o Čačak. Kana posavgja e Jovanka , khuvgjum le kaštea sar reakcia. Miri daj Jovanka Mitrović (42) pučlja le soske panda na reslja lake lil taro Centro socialno bukjake ov počmingja te akošel me daja thaj khuvgja la čhamidin. Pučlja le soske agjaar reagirinela ov vakergja mange: " So dukhala man mo k.., tumen sien Roma!! Palo odova ikavgja i čhurik thaj posavgja mire dajaj an i por . Sa odova sine anglal amari avlin anglal o jakha taro o čhave thaj desave džuvlja.

Akaja verzia tari Aleksandra Mitrović , kote aso avgo versia dendi taro čačansko poštari o Marko Milosavljević (25) kaj si brutalno mardo taro trianda Roma an i mahala Ljubino Polje angja napakjiv thaj kergja iranipa e saste incidenteske.

O Milosavljević notiringja kaj sebepi akava incidento sine an o ghospitalo thaj sivgje le 15 kopčencar an o šero. Bašo oleskoro atako upral i Jovanka nadžanen sine niko thaj i policia na dengja asavki informacia.
- Kana posavgja mire daja me kergjum asavki reakcia. O čhave den sine vika kana dikhle o rat. Ov našindo kana khuvgjum le kaštea nekobor droma pelo thaj korkoro khuvgja pe. . Na sine nisave murša, siam sine salde nekobor džuvlja, vakerel i Aleksandra. Ov sako drom kerel sine provokacie thaj akušel amen sine. Savoren sine amen problemoa olea, a ko palokurko mange dikhlja pe kaj ov sine an o alkoholno situacia jali telal aver faktoria.

Link: http://www.novosti.rs/vesti/naslovna/hronika/aktuelno.291.html:759360-DRUGA-VERZIJA-PREBIJANjA-U-CACKU-Tukla-sam-postara-jer-mi-je-izbo-majku

Cacak 2 0512


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 27

Yesterday 173

Week 27

Month 1505

All 459748

Currently are 34 guests and no members online

Kubik-Rubik Joomla! Extensions