Lungovakti džanela pe kaj šaj te ovel trampa an o ministersko than bizo resori o Aksel Ahmedovski tari rig e Presidentoske taro PCER o Samka Ibraimovski . Akala dive personalno thaj prekal mediumi odova rodingjha o Samka dži ko premieri Zaev .
Ki notacia aso tikne aktia vakerdo si kaj na kerel lačhe angažmano an i realizacia o ministeri thaj na kerel lačhe buti.

Ko plo antvorto prekal FB o Aksel Ahmedovski bičhavel rodaripa dži ko presidento taro PCER thaj deputatop an o Parlamento an i RM o Samka Ibraimovski akale tekstea:

„ Palo došakeriba taro deputato Samka Ibraimovski kaj na implementirinav o strateško resarina e politikakere partiake saste emancipaciake e Romenge (PCER) bizo te akcentirinel save si odola resarina kamav te vakerav sar Ministeri bizo resoro me trubul te implementirinav o strateško resarina tari Strategia e Romenge 2014-2020 sar phravdo dokumento taro Govermento e RM kote si konektirime o strateško resarin so si konektirime thaj o strategie akale partiake ko legariba majlačho situacia e Romenge.
Amen siem civilno sasoitnipa thaj trubul te kerav buti an o interes sa e Romenge , bizi diferencia si li ola membroa jali na an o PCER.

I sasti Romani nacia arakhela pe jekh a jekh problemoa bizo fakti si li ola membroa jali na nesave politikane partiake.

Odoleske dikhav kaj sa o Roma trubul te ovel olen jekh a jekh benefiti tari implementacia phravde politike e Govermentoske.
Odoleske na trubul o strategie e partiake bašo lačharipa e Romane situaciake te oven salde lake soske me na sium ko akava momenti salde Ministeri e Romenge membria an o PCER numa sa e dizutnenge tari Republika Makedonia" tergjol an i reakcia an o piro FB profilo taro Aksel Ahmedovski.

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 18

Yesterday 173

Week 18

Month 1496

All 459739

Currently are 45 guests and no members online

Kubik-Rubik Joomla! Extensions