Dži kote džala o etikano kodekso e makedoniane žurnaliste - redaktori salde te vazdel piro rejtingo? Akala divesa o socialno netvorko sine učahrdo komentarencar aso i konekcia e anavkerde jekh informacia -artiklo taro portalo dosie.mk thaj anavkerdo sar " O Čergaria taro Kale resle pire khera"

An o impresiumi akale portaloske tergjola kaj Gazda e portaloske dosie.mk si i kompania “Justicia" LTD DOOEL import - export Skopje, Menadžeri - šerutno redaktoro si i Kristina Mačkić.

Te pučel pe korkoro i agjaar anavkerdi menadžeri - redaktori Kristina džanela li jekh sasto fakti kaj o čergaria si nomadsko manuša so dromarena taro than an o than , tari them an i them. Akala manuša taro Kale sine stacionirime thaj olengere "khera" na sine mobilno jali grastengere vordonencar (arabe) , thaj ola si themutne an i RM (kote sar wanna be them na kergja lenge opservacia), a na čergaria.

A te na anavkerav i psihološko dimenzia. jali asavko diskriminatorsko tonaliteti akale lafeske "Čergari" vazdel bilačhi hoš ko Roma so si stacionirime pe thema! Odole notacijaja tu okrakaterizirine thaj identifikujne tire dizutnen sar na-manuša, jali okola persone so salde nakhena akatar , a nane len mangin te ačhon.

Na, nae odova Kristina Mačkić, na džaja amen nikote, akate siem taro purano vakti, akate siem em akana thaj planirina te ačhova majodorig. Salde tumen te na dengjen propozalo thaj anavea "čergaria" odolea na čhinaven amaro niami taro tromalo phiripa, na iranen amen taro sinamntre -granice, na tretirinen amen sar animalia, na diskriminirinena emn , na maren amare romnjen kana bijanena, na keren seksualno atako amare dešuduj beršengere čhijen thaj aver...
odoleske čhinav thaj tu thaj aver žurnalistoa sar tute asavke "metaforencar thaj "bum" anavkerde artiklia.
Čhinaven odola tumare lafencar sar so si "Čergaria", " Cigani", " Gjupci" .. Bravo sa odolenge sar tu so legaren pe taro odova moto. Hari li o lufti so laja si toksično, thaj akana taro akala tumare panda majtoksično muja ikljon asavke notacia te keren bibaht! - LADŽ sien e themake. Pobare ČERGARIA tumendar asavke nane !!
Čhinaven . Dosta si!!


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 138

Yesterday 165

Week 303

Month 1781

All 460024

Currently are 53 guests and no members online

Kubik-Rubik Joomla! Extensions