O premieri Zaev maškar akomodime Roma bizo khera an o Vizbegovo: Amen keraja opservacia sakone individuake soske sako trubul te ovel šansaja inkluziake an o sasoitnipa

O Presidento e Govermentoske an i Republika Makedonia o Zoran Zaev barabutne e ministerkaja baši sociala i Mila Carovska kergje visita e nasakovakteskiri akomodacia e personenge bizo khera an o Vizbegovo, so anglutne dživdinen sine telal phravdo del thaj telal o Kale.

Ki pli notacia e mediumenge o premieri Zaev notiringja kaj o Govermenti thaj i ministerka socialno politikake si hulavde te tamikeren inkluzivno sasoitnipa soske sako individua si importantno te ovel olen jekhutni šansa e socialno inkluziake . Majodorig o premieri Zaev vakergja:

„Bahtalo sium sdo akala manuša , akala 15 familie akala tikne čhave so dikhljum len avdive a so anglutne dživdinena sine telal phravdo del thaj telal o Kale , ko akala avutne šudre jevendaskere divesa ka nakhaven len ko tato, ka ovel olen hajbaske thaj sa aver sa so ka trubul olenge"

Dopherdo o NGO ka den barabutne suporto te keren individualno plania an i konekcia kki berza bukjake, socialno protektivake thaj sastipaske, dokumentia baši identifikacia , thaj inkluzia e čhavenge an i edukaciakoro sistemi.

I Romani populacia si jekh taro majmarginalizirimi grupa an i amari them odoleske keraja zori te da majbaro suportho. Salde akava berš o Roma si čhivde an o nekobor programe ko Operativno planoa bukjake.

Leibaja than an o akala programe bašo suporto ko korkoro bukjarnipa taro juli akava berš ofto amare Roma , kote so maškar olende thaj jekh Romani džuvli , kergje piro individualno biznis plano a prekal i programa - suporto an i kreacia neve bukjarne thana ki buti khuvgje 24 persone kote jekvaš si džuvlja.

Ko agor ka notirinav kaj o socialno reforme so ka startujnen taro starti e 2019 beršeske ka anel aktivacia an i berza bukjake e majmarginalizirime kategoria persone , thaj olengoro ikljojbe taro o čorolipa.

Implementacijaja o čhavorikano thaj edukaciakoro suporto lovencar, so resen o čhave taro familie kote o duj jeria si bizi buti. thaj čhave an o familie so si len minimalno love, sakone čhaveske ka del pe jekh a jekh šansa, sar konekcia an o edukaciakoro procesi, so si upral i funda bašo majodorigutno personalno thaj profesionalno progresi".

Zaev2

Zaev3

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 23

Yesterday 173

Week 23

Month 1501

All 459744

Currently are 33 guests and no members online

Kubik-Rubik Joomla! Extensions