O love so den pe sine bašo trinto čhavo ka čhinavel pe , thaj ka del pe jekhdromeskoro lovengoro suporto sakone nevebiande čhaveske. Akava si akti so ka ovel dendo ko trampe e Kanoneske ki protektiva e čhavenge , kote odolea kosena pe o aktia ko Kanoni si sine čhivde sar lovengoro suportho trinto čhaveske.

Taro Ministeriumi baši sociala vakerena kaj na kerel pe lafi bašo čhinavipa akale benefiteske, numa keriba nevi progresia ko niami te istemalkeren pe love em e jekhto, e dujto thaj trinto čhaveske.

Akale formaja buvljarel pe niami te istemalkerel pe jekhdromeskoro lovengoro suporto bašo nevobiando čhavo thaj asavke performanse dena pe šajdipa thaj e dujto thaj trinto biando čhavo.

Ko jekh kerel pe progresia ko bajraripa e lovenge. E jekhto biande čhaveske o jekhdromengoro lovengoro suporto ka ovel 5.000 denaria (85 eura), e dujto čhaveske 20.000 denaria (330 eura) , a sako trintobijando čhavo ka ovel 60.000 denaria (1.000 eura)" vakerena taro Ministeriumi baši socijala.

Trampaja akale Kanoneske čhavorikane protektivake so sine andi an o 2009 berš. i dajlela sine 8.048 denaria (130 eura) e trintone čhaveske 10 berša, a biame štartone čhaveske ako lel love trinto čhaveske o suporto si 11.267 denaria (185 eura) ko roko taro 15 berša.

Kana o Kanoni ka ovel implementirime em validno akala dopherde love nane ko momenti te čhinaven pe. Akava niami ka šaj te istemalkeren o jeria so ka ovel olen nevobiando čhavo ko roko taro 10 masekoa odova ka ovel akceptirime.

Akala jeria so isi len akava niami asavke subvenciake nane te našaven akava benefiti , thaj ka keren majodorig ka len odola love sa dži ko agor taro periodo taro 10 berša e trinto jali 15 berša e štarto čhaveske.

An o 2017 berš subvencie e trinto čhaveske lele 26.126 daja, aštarto čhaveske 803.

Socijalno 2


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 19

Yesterday 173

Week 19

Month 1497

All 459740

Currently are 55 guests and no members online

Kubik-Rubik Joomla! Extensions