Sebepi but informacie so ko agortuno vakti havlajrena o mediumiaan i konekcia e kanonea baši viza bukjake an i Germania i germansko Ambasada taro Skopje informirinela:

„O informacie e neve kanoneske so ka ovel validno taro 1.1.2019 berš thaj e dizutnenge taro thema so nane membroa an i EU ka šaj te keren buti ko desave thema tari EU jekh a jekh šartencar sar okola dizutne so si taro thema taro EU si sasti dezinformacia!

E dizutnege so si themutne taro thema so nane membroa an i EU ka trubul olenge sar so sine dži akana da em palo 1.1.2019 berš , validno viza bukjake an i Germania.

I aplikacia baši bukjarni viza šaj te aplicirinen salde an i germaniakiri ambasada an o Skopje thaj odothar salde šaj lena viza. E dizutnengo se si themutne ko thema so nane membroa an i EU , thaj palo 1.1.2019 ka trubul bukjakiri viza baši Germania.

I ambasada panda jekh drom notirinela kaj oj na kerel nisavi bukajrni koorelacia desave posrednikoncar jali aver kompanie em agencie.

Prekal olende našti te len nisavo termino majsig jali te kerel pe majsig o vizno akto. I taksa vizake aso o normativia si 75 eura thaj pukjinel pe an o keš (salde an o eura) direktno an o šalteri baši viza kana aplicirinel pe o rodaripa e vizake.

Aver takse nane an o Vizakoro ofiso. O resiba aplikacie thaj notacia termini si bilovengoro. Odoleske informirinen tumen majlačhestre an i web sajto e germansko ambasadake sar trubul em kobor udžarel pe bukajrne vizake.

http://www.skopje.diplo.de


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 45

Yesterday 133

Week 178

Month 1978

All 455183

Currently are 64 guests and no members online

Kubik-Rubik Joomla! Extensions