Bašo mudaripa e bugarsko žurnalistkake Viktoria Marinova, šubikerdo thaj astardo si o Severin Krasimirov (21) so si Rom dizutno an i romani mahala an o Ruse.

Pali havljarin akale informaciake an o mediumia baro numero bugarsko motordžie nacionalistikane orientirime gele an i romani mahala thaj palo odova fizički kergje atako nekobor terne romane čhavenge.

O motivo mudaripaske panda nane pendžardo , thaj o sasto akava vakti šaj te ovel montirime tari rig e bugarsko legaripa thaj montirime kaj odova kergja o Krasimirov.

Akaja napativ si ppanda majabri faktea kaj i mudardi žurnalistka Marinova kerel sine storia te arakhen pe o malverzacie taro involvirime thaj korumpirime bugarsko političaria so hardžinen sine sar na trubul europakere fondia so sine dende e Bugariake bašo progreso.

Ačhola akana savi decizia ka anel o Kriso baši ekstradicvia tari Germania so dengja le akana 40 divesengoro pritvor . O šubikerdo Krasimirov si upral o fakti tari DNK analiza ko than mudaripaske .

E Kriseskoro legaripa kerel akti akale procesoske thaj si hazri decizia phanlipa taro 30 berša bašo Krasimirov.

Numa odova pučiba dela pe. Bizi sikavdi doš hazri si o akti, numa kobor Roma sine mudarde bizo andi decizia ili tromalde taro Krisi.

Ko jekh o tenzie ki Romani mahala an o Ruse si baroe soske si daravin totalno likvidaciake saste mahalake salde odoleske soske jekh Rom so si angleder notirime e nasikavde mudaripaske kaj ov kergja ole. Akana e europakere institucie trubul te reagirinen.

Youtube:


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 41

Yesterday 133

Week 174

Month 1974

All 455179

Currently are 89 guests and no members online

Kubik-Rubik Joomla! Extensions