I HSE dengja apelo dži ko mediumia kaj isi epidemia taro zaušle ko paščimalo regiono

Isi but baro numero persone so si baripaja maškar 15 thaj 29 berša, so si lenge dijagnosticirime zauške ko paščimalo regiono taro HSE, so ko nakhle efta kurke odova numero legarela 45 pacientia.

O paščimalo regiono taro HSE astarena o dizjka thaj regionia taro Roskomon, Galavej thaj Limerik, barabutne e regionoa taro Cler, Donegal, Leitrim, Majo. North Tiperar thaj Sligo.
O zauške si akutno virusno nasvalipa so kerel te ovel e nasvale treska, dukhala o šero thaj dukhavne šuvle čhungaribaskere žlezde.

Inficirinel pe taro manuš ko manuš , prekal khujnipa em kiviba. Ko jekh šaj te inficirinel pe prekal direktno kontakto prekal čhungar.

O manuša na hošinen pe lačhe ko proseko taro efta dži ko deš divesa. O komplikacie konektirinena em meningitis thaj infekcia an o testisia, so šaj kerel presia an o reprodukcia čhavenge ko majodorigutno dživdipa.Raritetno si o komplikacie sar so si infekcia e pankreaso, kašikipa, arttritis thaj nasvalipe ko vilo.

O tretmano taro zauške si fokusirime ko lokharipa e simpotomenge taro dajanipa, pijbaskere produktoa thaj medikamentoa mujal o dukha.

O HSE del konsiliaro baši imunizacia e MMR vakcinencar sar majlačhi protektiva. Del pe propozalo te len pe duj doze tari MMR vakcina.

Te na sine o manuša siguritetno kaj lele duj doze tari MMR vakcinacia ola trubul te oven vakcinirime.

Aso HSE, dopherde dozaja tari MMR vakcina nane te kerel nisavo ziani. I kontrola taro imuniteto na del šajdipa te prolongirinel pe i imunizacia. Odova šaj ovel em dži ko 28 divesa angleder o nmanuša te oven protektirime tari MMR vakcinacia.

Te šaj čhinaven pe majodorigutne infekcie taro zauške e manušenge del pe propozalo ma te džan ko škole, fakultetia thaj ki buti majhari pandž divesa kana sikaven pe o avgo simptomia.

Link: https://www.westmeathindependent.ie/news/roundup/articles/2018/10/09/4163190-warning-amid-outbreak-of-mumps--45-people-diagnosed-in-west/

 


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 41

Yesterday 133

Week 174

Month 1974

All 455179

Currently are 62 guests and no members online

Kubik-Rubik Joomla! Extensions