Phanen pe džamie, palden pe imamia. I Austria implementirinela kanoni bašo islami thaj odolea phravel dileme. O advokatia ko akala aktia dikhena šajdutno phagiba i Konvencia manušikane niamenge.

Akava si sar akti mujal o "politikano silam". An i Austria o Govermento phanel efta džamie thaj paldela nekobor imamia tari i them. " An i amari them nane than baši paralelno sasoitnipa, politikano islami thaj tendencia tari radikalizacia" vakergja e austriakoro kancelari Sebastian Kurc so iklilo buteder ministerencar anglal o žurnalistia.

I jurisdikciakiri funda asavke akteske e Kanoneske bašo islam , so an o piri alusaribaskiri forma si kerdo panda an o 1912 berš a odolea si thaj o majpirano kanonian i Europa. " E austraikoro modelo si jekhutne asavko pendžardo an i historia" vakerel o advokati thaj eksperto islameske o Matijas Rie.

"O austriancia panda angleder 100 berša sine len relativno homogenomuslimansko jekhin, tegani an i Bosna thaj Hercegovina". I Viena an o 1878 berš legarel sine akava regiono thaj tegani o thagar Franjo Josip I proklamirinela sine "kaj sa o čhave akale themake si len jekh a jekh niami aso o kanoni, thaj savopre ola ka oven protektirime pire dživdipaske, religiake thaj barvalipaja".

Sa o validno khangira thaj religiakere jekhina an i Austroungaria trubun te oven jekh a jekh.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 254

Yesterday 133

Week 387

Month 2187

All 455392

Currently are 70 guests and no members online

Kubik-Rubik Joomla! Extensions