„Lokalno heroia - Lumiakere talentia" taro 19 dži ko 22 septemvri akava berš ka lel than an i Internacionalno filmeskoro festivali " The Golden Tree " an o Frankfurt, Germania

Pali akharin tari Libin Vang thaj Teresa Dong, o šerutne organizatoria e filmsko festivaleske „The Golden Tree „ so akava berš ikerelpe trinto drom an o Frankfurt, Germania, o "Lokalno Heroia - Lumiakere Talentia" ka len thanan i oficialno programna bašo jekh taro 89 phursakoa so dena pe an o akava festivali.

Aso o Zoran Dimov, scenaristi akale dokumentarcoske o organizatoria tkamen te keren thaj paše butikeriba thaj aktiviteto e3 SP BTR Produkciaja an i edukacia, realizacia baro numero romane producentia thaj aver elementia m so ka vazden o nivelo thaj kvaliteto e filmsko aktiviteteske an o majučo nivelo.

odova plani haljovela pe sar lungovakteskiri korelacia thaj barabutni produkcia . An o akava filemskoro festivali aso o direktori Libin Vang bašo te len than apliciringje upreder 4.000 filmia taro 125 thema maškar so thaj USA, India, Britania, Italia, Kina, Iran, Špania, Germania, Kanada thaj Brasil.
O Internacionalno filmeskoro festivali „The Golden Tree „ikerel pe sako palonilaj an o Frankfurt, Germania .

Ov si legardo aso uniba i sama e lumiake te buvljarel pe filmsko džanlipa aso i historia thaj kultura taro jekh an o aver kontinenti, rodaripa i funda thaj o darhie taro diferentno civilizacie thaj thema an i lumia istemalkeribaja o kamere an i promocia taro maškar komunikacia thaj trampa. I tema akaleberšeskere festivaleske si : " Darhie thaj o avutnipa e kulturakoro ".


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 239

Yesterday 133

Week 372

Month 2172

All 455377

Currently are 88 guests and no members online

Kubik-Rubik Joomla! Extensions