I Asociacia " Proekt baht" startujngja i akcia " Zdravo šampioni" so ka kerel bilovengere sportsko oprema thaj bilovengiri participacia an o sportikane klubia e čhavenge so dživdinena an o socialno riziko.

I akcia ka ovel promovirimi an o jekhto aprilo - kurko ko pervazia e tradicionalno džuvljane prastajbaske kaj i Fontana ko Dizjakoro parko kote so o "Proekti baht" ka ovel le donatorsko štandi . Savore so kamen te aven ka šaj te den donacia e avutne šampionenge.

„O proekti si sa e čhavenge tari Makedonia so kamena te sportujnen numa nane len šartia odoleske. Suportime si tari Agencia bašo terne thaj sporti, tari sportikani Unia e dizjake Skopje thaj udžaraja suporto taro sa okola so distribuirinena sportsko artiklia.

I notacia bašo dejbe donacia si putardi an i FB rig "Proekt baht" thaj sar dži akana , numa akava drom thaj o škole, thaj o sportsko klubia ka šaj notirinena čhaven so si an i gind kaj asavko suportio e čhavenge ka avel šukare. Pakjaja ko baro suporto taro donatoria" vakergja i Kristina Arnaudova , presidento e Asociaciake .

"Šaj ko odola čhave garavena pe o majšukar makedonikane sportistia. Te dikhlem kobor čhave našti te džan an o fizičko aktiviteto jali treningia soske nane len oprema", dopherela oj. I akcia "Zdravo šampioni" ka ovel dži ko starti e masekoske juni.

Trujal akaja akcia "Proekt baht" startujnela an i realizacia e proekteske "Bahtalo maturantia" so arakhela komplet maturske sa e maturatenge , jekvašmaturantia thaj apsolventia okola so odova našti te keren le. " Udžaraja o nitifikacie taro savore okola so trubullenge asavko suporto an i amari FB rig jali ko amaro koordinatori i Blagica Ristov" vakeren tari Asociacia.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 45

Yesterday 133

Week 178

Month 1978

All 455183

Currently are 120 guests and no members online

Kubik-Rubik Joomla! Extensions