Ka keren li agjaar thaj eministerenge tari oleskiri partia , jali kaj o Ahmedovski si Rom , pa neka udžarel, si i reakcia taro PCER.

O koaliciono partnero an o Govermento o PCER kergja reakcia kaj o ministeri bizo resoro Aksel Ahmedovski duj saatia udžargja e kumanovakere dizjakere šerutne Maksim Dimitrievski ko dikhiba an i Komuna, terminea kerdi angleder efta divesa .

"O vicepresidento e partiake thaj aktuelčno ministeri sine notirimo dikhiba angleder jekh kurko an i Komuna e dizjakere šerutnea Maksim Dimitrievski. Ko notirimo vakti o ministeri Ahmedovski reslja an i komuna, numa e dizjakoro šerutno avilo palo jekh časo. Ov jertisargja pe kaj sine le aver mitingoa kote trubul sine te džal thaj vakergja kaj ko sig vakti ka iranel pe. Palo duj saatia udžariba e dizjakere šerutne ov na alo, kote o ministeri palo odova orangja pe taro Kumanovo", vakeren taro PCER.

Odothar vakerena kaj nane jekhto drom ministeri taro PCER te ovel agjaar manipulirime taro dizjakoro šerutno. Odova ulo thaj e purane ministerea a akana aktuelno deputato o Samka Ibraimovski. Ov da duj saatia udžargja e Dimitrievski.

„Ka kerel li sine agjaar kana bi avel nesavo ministro tari oleskiri partia , jali kaj o ministeri Ahmedovski si Rom pa ov šaj udžarela. Agjaar them na ovel, asavke diskriminaciaja upral jekh ministeri, nane komentaro.

O Dimitrievski si saste narelevantno thaj na respektirinela i funkcia - ministeri. O ministeri na avilo te dikhel e Maksim,m numa te keren aktiviteto so si dendo oleske taro Govermenti e lokalno akcisko planenge. Konstatirina kaj tumen na kamen te den suporto e Romen taro Kumanovo , so dengje pire vote tuke ter ove dizjakoro šerutno.

Rodaja taro Ministero bašo lokalno legaripa te lel kanonikane konsekvence bašo o nakorekto legariba taro e dizjakoro šerutno an o Kumanovo Maksim Dimitrievski" vakeren taro PCER.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 139

Yesterday 165

Week 304

Month 1782

All 460025

Currently are 43 guests and no members online

Kubik-Rubik Joomla! Extensions