O "New York Gypsy all stars" si bendi kaskere membria istemalkeren diferentno instrumentia, tipikal bašo Balkani thaj i romani muzika, a sebepi so majbut džene taro bendi si Roma, ola si virtuozia ko sako instrumenti.
Olen anavkeren len sar majstoria e moderno balkansko romane muzikake. Ola kergje bendi kana olengoro basisti alo ko jekh cafe bar an o Njujork šungja i muzika so si pherdi Mediteransko orientalno tonea jali majšukar vakerdo Balkansko muzikaja.
Taro odova momenti o "New York Gypsy all stars" formiringje pe sar bendi so keren unipa diferentno muzikake so si tari Makedonia, Grcia thaj Turkia thaj miksi e amerikansko muzikaja.
Ko bendi bašavena: Ismail Lumanovski - Klarineti, Tamer Pinarbasi - Kanuno, Panagiotis Andreou - Bass, Engin Gunaydin - Bubnjevia thaj o Jason Lindner - Sintisajzeri.
Ko avutno periodo isi len importantno koncertia. Ko 20 oktomvri lel than an i lumiakiri muzikakiri konferencia WOMEX an i Špania. Olengere avutne angažmania kana si ko 17 thaj 19 noemvri kote si len koncerti ani Santa Fe thaj Čandler an i Amerika.
