Respektirime romane aktivistora, intelektualno romano zoralipa sakote an i lumia, Respektirime terne Roma, phrala thaj phenja!

Faktea kaj amen o Roma thaj i Romani Nacia ko piro djiakanutno djivdipa, amaro statuso, kultura, tradicia, historia, sako drom kerdem zoralipa te vazdas o Romano puchimata an o majusho nivelo.
Odova si amari obligacia vash amaro identiteto , anav, baripa, socialno, ekonomikano thaj aver forma funkcioniriba.
Amaro maripa taro amaro djivdipa nikana nane agor, numa sako drom si aktivno thaj majodoriga ka ovel.

Amari obligacia si sa anomalie thaj bibaht an o sistemsko institucie te keras eliminacia jali te kera majminimalno bibaht.
Odova aktiviteto si but pharo thaj lungo vrama an o sa o segmentora. Trubul te keras majbari organizacia thaj konsolidacia vash o aktiviteto. Odoja oblihacia thaj misia si savore romane organizacienge sakote an i lumia.
Akale aktoncar djala thaj i majpurani thaj majbari internacionalno organizacija e Romengiri i Internacionalno Romani Unia - IRU.
Odova maripa sako drom sine prioriteto , thaj si an o IRU Statuto!
Odoleske o akanutno membripa an o IRU kerel zuralipa vash o strategia thaj plano em programa.
Kotor tari odoja programa thaj plano o IRU kerdas aso pire nare angazmanoa thaj buti. Odova angazmano kergja akana te ova membrora an o buteder internacionalno institucie thaj organizacie sar aktivno angazmano , aniba propozalia thaj decizie so si but importantno saste Romane naciake an i lumia.
Realno trubul te djanel pe kaj o IRU te resel sakote thaj an o sa o aktivitetia na sako drom si "Realno misia" . Odova nashti o IRU kerel korkoro. Odova trubul suporto thaj taro avrutne shajdipa thaj o institucionalno kapacitetia vash o IRU.

Odoleske trubul lachi konekcia taro IRU thaj olakere dji akanutne aktivno leiba than an i buti an o UN thaj o dnendo ECOSOC statuso an o UN thaj o ofisia an o Njujork, Viena thaj Zeneva.
O aktiviteto thaj buti an o aniba decizie an o Briselo ko EU, o Konsilo e Europakoro an o Strazbur, an i Europakiri Komisia. Aktiviteto an o Bordo direktoria an o Berlino ki EVZ Fondacia. Aktiviteto an o butikeriba ko OSCE - ODIHIR , an o UNICEF thaj aktiviteto an i sasti lumia an i Asia, Africa, Amerika thaj Australia.

Taro odova aspekto thaj aso notirimo 11-to IRU Konfreso an o avgust 2019 bersh o IRU bichavel apelo dji ko sa o Romane aktivistora, volonteria, profesionalcia so si aktivno an o sako reono tari sasti lumia so si len djandipa te shaj del suporto e Romane naciake vash avutne plania thaj strategie taro IRU.
Odoleske sako tumendar so kamel te kerel buti sar Romano aktivisto, volonteri, intelektualco, terne Roma thaj respektirime phrala thaj phenja sakote an i lumia.
Kamas tromale de bichaven pe amende:

Tumaro СV
Dji akanutne aktivitetoa thaj profesionalno djanlipa ko savo ofiso shaj den tumaro aktiviteto vash koorelacia e IRU-ja
Tikno motivaciakoro lil
Ko savo aktiviteto shaj majsukcesiale thaj kvalitetno te keren buti, thaj an i savi forma shaj keren valorizacia.

O vudara taro IRU si buvleste pitarde savorenge so shaj lacheste te den idea thaj barabutno aktiviteto.
Odoleske o IRU udjarel tumare idee, propozalia thaj forme aktiviteto ak ko jekh akaja akharin shaj te bichaven thaj buvleste an o sa o roga an i lumia kote si asavke romane kapacitetia thaj kvalitetia an o akava e mail: This email address is being protected from spambots. You need JavaScript enabled to view it.; This email address is being protected from spambots. You need JavaScript enabled to view it.

Majbare respektoa savorenge an o anav taro membria thaj IRU delegatoa tari Internacionalno Romani Unia - IRU thaj olakoro presidento o Zoran Dimov.


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 248

Yesterday 133

Week 381

Month 2181

All 455386

Currently are 61 guests and no members online

Kubik-Rubik Joomla! Extensions