Respektirimi Ekselencio

Kamav an o starto akale reakciake an o anav tari Internacionalno Romani Unia - IRU thaj an o miro anav sar IRU Presidento te oven ko lačhi hoš.

Amari reakcia an o anav taro IRU si aso o agorutno bibahtalo akti thaj dendo propozalo taro Ministero andrune bukjenge an o italiakoro Govermento o rajo Matteo Salvini thaj oleskoro "antiromano akti" te kerel pe registracia e Romenge so si an i Italia . Ko jekh but si bibahtalo o komentaro kaj sa o Roma so nane len regular statusi an i Italia ka oven deportirime!

Amen sar internacionalno lumiakiri romani organizacia amare 50 delegatora taro 40 thema majzorales kera reakcia thaj siem mujal aso akava baro phagiba manušikane hakoa thaj kontra jekh nacia so si majdiskriminirimi thaj majmarginalizimi nacia an i lumia o Roma.
Akala notacie thaj aktia so kerel i Italia a si mujal o mateleperavdi nacia - Roma šaj te definirinen pe sar but "risiko" thaj keren džangavipa "o purane bibahta tari historia"

Odoleske amen sar IRU aplerinaja sa akala decizie majanglal te keren pe panda jekh drom opservacia thaj te iranen pe soske o risiko taro lende eventualno akcie ka keren but seriozno thaj baro problemo , thaj rampa - bariera an o tromalo funkcioniriba thaj peraviba manušikane haskoa.
Trubul te akcentirinel pe kaj o IRU si le piro asociativno statuso sar organizacia thaj piri registracia an o UN thaj ECOSOC registracia an o Njujork, Viena thaj Ženeva.
Ko agor te kera konstatacia kaj o palune komentaria an i konekcia e lende aktenge thaj akcie taro Italiakoro govermento mujal o Roma kaj ola kamena "te den suporto e Romen" (notacia taro themakoro sekretaro an o ministeriumi avrutne bukjenge o Gulielmo Picci) si saste dujmujale.

Odoleske bičhavas apelo thaj reakcia dži ko Italiakoro Govermento thaj panda jekh drom te keren kontrola aso lende akcie mujal o Roma an i Italia.

Respektoa
Zoran Dimov
IRU Presidento


FaLang translation system by Faboba

Tumare informacie bičhaven
ko amaro email

info@romatimes.news

Partneria

Today 6

Yesterday 162

Week 973

Month 2773

All 455978

Currently are 63 guests and no members online

Kubik-Rubik Joomla! Extensions