Dejbaja but droma o pučiba : " Sar thaj kobor šaj i Romani nacia te implementirinel proektoa an i kultura an o odola pervazia so angleder sine pobuter mandatoa taro nakhle govermentoa (konektiribaja thaj akava) sar kotor taro aktivitetoa o Ministeriumi bizo resoro an i implementacia e strategiake e Romenge , so sine formirime bukjarne grupe te keren Akcisko planoa vash realizacia e proektenge tari kultura.
Aso pire informacie o RDS - Romano Demokratikano Sojuzi dikhibaja o anglutne kreirime Akcisko plania e Romane kulturake evidentno si kaj ola sine salde figurativno čhivde odothe sar aktiviteto e anglutne legaripaske taro romano politikano bloko so sine an i koalicia e anglutne govermentoa thaj dikhlo si o pasivno aktiviteto taro odla ministeriumi. Ola ko jekh ni jekh drom na dengje asavke konkretno akciono plania kulturake trujal so sine šansa te len pe love.
Avr čhane vakerdo kerde si akcisko planoa taro periodo an o periodo barabutno e bukjarne grupaja numa salde kerdo "Copy paste" anglutne planea thaj realizacia khanči,.
Panda jekh pučiba kotor taro odola hramosarde aktivitetoa si čhivde selektivno aso individue jali globalno ?
Vakti si te džangavgjova taro suno te manglem piro angle an i Kultura e Romenge thaj kavlitetno akcisko plano e romane kulturake.
Ko jekh an i odoja bukjarni grupa ki kreacia e akcisko planonge trubul čačutne aktivistia an i kultura so keren bhuti lungo berša, a na nesave partisko privezokia so nane len haberi tari romani kultura.
Ko jekh bičhavel pe apeli dži ki Agencia e keribaja aktiviteti an i realizacia o niamia taro jekhuina thaj minjoritetoa AOPZ an i piri beršeskiri programa an o umalja Aktiviteto 3: Keriba analiza e situaciake an i kultura thaj akale aktiviteteske kerdo si Sektoro opservacia tari kerdi realizacia . progreso , protektiva thaj promocia e niamenge taro jekhina. Šerutni resarin si te vazdel pe i gind an o aktivitetoa, programe, thaj strategie taro AOPZ e preperutnenge taro minjoritetoa te keren barabutne opservacia an o sa akala bukja te šaj akava Akcisko plano te dikhen o dive, a na te oven frdime an i nesavi fioka.
