Ko plo majnevo editorialči i makedonikani gazeta "Večer" taro 28.04.2016 berš an i rubrika "Sport" iklilo artiklo anavkerdo sar: " "Savo sian šampioni kana našti mare jekhe thule Rome - Cigan" http://vecer.mk/sport/video-kakov-shampion-si-koga-ne-mozhesh-da-pobedish-eden-debal-cigan , kote ko majodorigutno teksti informirinela bašo ikerdi pres konferencia maškar aktuelno lumiakoro šampioni ko boksi o Irco Tajson Fjuri so ko jekh si thaj Romane darhiencar, thaj oleskoro konkurenti o Ukrainco Vladimir Kličko ko avipa e revanš mečeske ko 9 juli akava berš so ka ovel ko Mančester - Britania.
Akale skandolozno anavkerde artikloa i redakcia taro "Večer" but droma sikavel ple rastistikane aktia thaj nacionalistikani natolerancia. O pučiba si: Kotar lele akaja informacia te den asavki "bombastikani" statia. Amen sar redakcia taro amaro Web portalo "Romatimes.news" hulavgjem akaja informacia , numa na arakhlem nni jekh lafi kote tergjol o prefikso "Cigan". Ko hulavdo video linko da tari pres konferencia ni jekh momenti o Fjuri na vakerel akava lafi.
Akale aktea tari informacia thaj hulavdo nevipa salde i redakcia sikavela pli natolerancia premal o Roma sar nacia thaj diferenciaja taro mizerno tiraži taro "Večer" so si ki paralela e 20 thaj buteder milionia BARE Roma an i lumia.
"Večer" te ladžan thaj sien borčlie jekh BARO jertisariba premal i Romani nacia
Link : http://vecer.mk/sport/video-kakov-shampion-si-koga-ne-mozhesh-da-pobedish-eden-debal-cigan
