O germansko političari thaj nacistikano lideri Adolf Hitler, hovavgja thaj garavgja plo meripa, palo odova te našel ko Tenerife, pa ki Argentina, vakerel o ex agenti tari CIA Bob Baer. O Bob Baer kaste si le 21 butikeripaskoro džanlipa vakerel kaj aso informacie taro FBI čhivel telal o pušiba i oficialno storia taro Adolf Hitler kaj kergja korkoro mudaripa ko berlinsko bunkeri.
O informacie sikavena kaj o rodaripa tegani da na pakjal sine kaj o Hitler korkoro mudargja pe.
Prekal o dokumentarco " Astaribaja e Hitlere" ni jekh na sine svedoko bašo oleskoro korkoromudaripa, thaj nisave trupia ko bunkeri, kote ov korkoro mudargja pe.
Timi taro ekspertia premal o dikhiba vakeren kaj si šajdutne o Hitler te kerel falc meripa thaj našlja ko „Tempelhof“ ko dive kana paluno drom si dikhlo.
Pakjala pe kaj jekh aeroplani so ujrargja ko vakti taro baro nacistikano egzodusi arakhel pe sine o bagaži thaj taro Hitler.
-Okova so džangjam dži akana si hohavipa. Dži kote dikhen o informacie taro FBI ola phraven nevo rodaripa. Odova so amen kera si prekontrola e historiake, okoja historia koja so džana kaj o Hitler mulo an o bunkeri. Sa majhor sar randajasa klar si kaj nane faktia kote o Hitelr korkormudargja pe, vakerel o Baer ko dokumentarco.
Ko jekh dokumenti kote si hramosardo " SIKRETI" hramosardo si i sevdža kote so ko trupo taro Hitler nane arakhlo, thaj nadžanel pe kaj si thaj nane faktia kaj ov mulo.
Kontraverzno teoria so si dendi an o dokumentarco, akcenirinel pe kaj o Hitler šaj e aeroplanea ujrargja ko Kanarsko island, thaj podmornicaja gelo baši Argentina.
