O romane kvazi politikane partie so si panda an i koalicia e sikavde kriminalno legaripaja an i R.Makedonia si deš berša an i rolja sar eftino prostitutke, jekhe istemalkeribaske. Akale kriminalno organizaciencar so sitemalkeren o sinonimi tari politikani partia a si salde banda so bikinen o idealia e normalno dživdipaske e Romenge , thaj praktikane olengere laloripaja thaj kašukipaja (soske si salde kvazi partie) peravgje o Romano digniteto
, thaj majimportantno si olenge personalno butikeriba, buti olengere majpašenge familiake thaj amalenge ko themakere institucie thaj profito kerdo tari kriminalno forma olengere klientea, a kote paralelaja nane khanči majšukar olendar, thaj deš droma si panda majbilačhe olestar, soske bašo deš berša kergja i them te avel ko čorolikano bastuni thaj e nacia hovavela ikavde ideologiaja tari antičko historia thaj plagiat arhitektura thaj sa akava mangle jali na, ple personalno materialno thaj saste diplomatsko benefiti taro avrutno faktori.
Analizaja taro periodo tari jekh decenia odoleske kobor si kerdo e Romenge thaj olemgere perspektivake sar kotor tari Makedonia, nane progreso numa napalako sa o sfere taro civilnikano ekonomikano dživdipa e manušenge. . Džala pe sine ko odova da e Romenge te kerel pe sugeririba kote i Makedonia nane olengiri matično them. kote oj si salde bašo Srbomani thaj Bigaria , a ea Makedoncenge taro Albanikano nacionaliteti sine sugestia kaj si ola salde Albancia , kote prekal nesavi funda indirektno den suporto e ideake Bari Albania. Odova kerdo suportoa taro Ohrdisko Kontarkto so nane salde e Makedoncenge thaj e Albanconge numa saste del pe sar aprecepcia e thema mangen te keren sar binacionalno them so si mujal o sutavi. Numa te iranan amen ko Romane kvaizi politikane partie. Faktea kote o realno procento e Romenge an i Makedonia si taro deš kotora tari R.Makedoniasi keriba nažuririba akale subjektenge ko drumo taro lačharipa e saste situaciake e Romencar thaj na kergje zori te oven opservatoria ki delarativno nacionalno strategia e Romenge an i R.Makedonia so minimalno trubul trampe an i Romani situacia. Te na vakera bašo deklarativno kavzi ministersko than so trubul sine te ovel le funkcia “koordinatori” ki akaja agjaar anavkerdi strategia. Te na sine ironia thaj bilačheste , sine nagogjaver thaj asajbaske thaj nekaske bibahtake. Baši Romani Dekada na mangav te kerav lafi , o proketo sine eksterno inicirime a o rezultatia sine athinale tari buti taro koordinatori thaj odolea avaja dži ko fakti : Taro Zero – Zero. Te na ovav kaj si sa negativno ka liparav kolete i lungo udžardi trampa so ka ovel akana sig si kaj čačune politikane partie ka len o legaripa an i R.Makedonia, thaj ko jekh ka ovel džangavipa e Romane politikake so ki avgo percepcia ka lačharel i situacia e majčorole dizutnenge an i Makedonia, thaj palo odova o lungoudžarde transformacie.
