O prezidenti tari Internacionalno Romani Unia – IRU o Zoran Dimov , ko palokurko ko 23 maj gelo an i bukjarni vizita e Thagaripaske Norveška kote sine le pobut mitingia , aktivitetia pobuter instituciencar thaj organizacie an o Oslo.
An i delegacia taro IRU delegatia an o Oslo sine o Tore- Jarl Bilenberg, Robert Rujdberg thaj i rajona Livia Rujdber , o presidento taro IRU sine informirime e plan thaj aktivitetia ko vakti tari mitingia odole diveseske.
Odova dive ko starti i delegacia sine akhardi tari rig e direktoreske taro Norveško Instituto manušikane hakoenge, rajo Peter Fridrih Vile, an o oleskoro ofiso.
Akaja institucia si akreditirimi tari rig e Norveško Parlamentoske sar individualno ofiso an i iniciativa taro Unime Nacie te kerel opservacia ki implementacia e manušeskere niamenge sar ko nacionalno agjaar thaj an o internacionalno nivelo.
Ola den raporto e Norveško Parlamentoske thaj dekretia em propozalia bašo majodorigutne akti thaj ko internacionalno nivelo.
O rajo Vile dengja informacia e delegaciake bašo nevoformirimo ofiso. O Zoran Dimov olekere rigatar dengja informacia bašo IRU thaj o lende aktivitetia thaj o neve konture tari buti. O duj riga sikavgje hazrkerin te keren konekcia thaj buti ko progreso e manušikane niamenge thaj e Romenge.
žOdova dive i delegacia sine ko jekh thaj ko Norveško centari bašo holokausti taro specialno konsilari o Karl Emil Vogt, o historičari Lars Lien thaj o libromani Jan Aleksandar Brustad. Ola informiringje e IRU delegacia bašo aktivitetia e holokaust centaroske thaj o dokumentia taro Romano Holokausti ko vakti taro Dujto Lumiakoro Maripa. Ola dengje o majnevo raporto thaj rezultatia taro risrči ko europakere arhivia, kote sine arakhle but neve dokumentia thaj napendžarde materialia.
O Zoran Dimov informiringja bašo aktiviteti taro IRU ko Holokausti, thaj ale dži ki decizia bašo barabutni konekcia thaj butikjeriba.
žKo mismeri i delegacia sine akhardi an o nevoformirime Norveško Romano Konsilo. I delegacia sine legardi tari Natalia Jansen , unuka taro dživde viktimia taro Holokausti. O Zoran Dimov dengja informacia bašo IRU aktivitetia thaj i situacia e Romencar an i Ost Europa. O duj rioga diskutiringje ki seria pučiba so si e Romencar an i Norveška thaj ko aver europakere thema thaj te den informacie maškar peste akale momenteske. O NRK dengja thaj nesave printime materiali so kergje ola. O Zoran Dimov ko jekh dengja da intervju e Web sajtoske taro akava Konsilo.
Palo odova i Delegacia sine la dikhiba e Nataša Udvitkova Bilenberg eks delegato an o IRU kote dengja e Dimoveske informacia bašo o organiziriba o festivalo Lagor akava berš an o Oslo, thaj si ki konekcia e organizaciaja taro festivalo Khamoro an i Praga. Akala duj festivalia si jekhutne Romane festivalia an i Europa. O Dimov dengja propozalo o fetstivalo te buvljakerel ple aktivitetia sar so si seminaria thaj aver riga te diskutirinen so si ko intereso e duj rigenge.
I konkluzia an o raopirti ki konekcia akale bukjarno aktivitetenge o Presidento taro IRU Zoran Dimov kergja lačhi konekciua thaj kontaktia e trin Norveško ofisencar (duj olendar si neveformirime) so na sine len nesavi konekcia angleder e IRU-ja. Savore sikavgje pozitivno percepcia te keren buti jekhethane.
I vizita sine thaj te kerel pe majpaše konekcia e neveanavkerde delegatorencar tari Norveška thaj o legaripa taro IRU bašo konkretno aktivitetia taro o duj riga. Akalae vizitaja nevikeren pe thaj buvljarel pe i koorelacia maškar o IRU an i Norveška thaj i situacia e Romencar tari Norveška.
