I Kevin Bauer (35) tari Viena, vakerela kaj o policajco, akošlja le upral nacionalno funda, thaj nekobor droma khuvgja le ko šero.
“O plicajco khuvela man sine, soske sium Rom! Khuvgja man šamarka, so panda erzinel maneg ko kana, nekobor droma khuvgja man ko šero, a na sium sine došalo” vakerel o Kevni Bauer tari Viena, kote trafikoskoro policajco ačhavgja ole ko gav Salakovec trujal o Požarevac , ki rakj maškar savato thaj kurko ko vakti tari jekh rutinsko kontrola.
-Ko savato me romnjake na sine šukare thaj legarggjum la ko doktori. Sine paše 00:50 o saati kana ačhavgja ma i policia, Ačhiljum thaj dengjum len o dokumentia. Rodingja te ikljovav taro vordon. Me ikliljum a ov vakergja mange:”Ajde phrav o gepeko k..ev te daja!
Sium sine but holjame taro akošiba thaj pučljum le soske akošela, tegani o policajco panda majbrutalno počmingja te khuvel man.
O Kevin notirinela kote šaj sine panda majseriozno te ovel mardo te na ikljol sine o aver policajco tari patrola thaj chidingja pe kolega olestar.
O Kevin akan vakerel kaj dukhala le o kan thaj i jak so si konstatirime an o hospitali ko Požarevac.O sasto incidenti ov notiringja le an i policia. ” Na mangav neko te akošel man upral mlo nacionalno funda soske sium Rom! Jekh drom ko berš avava, sako drom ačhavena man , rodena mo vorda , akošena man trujal so nikana na kergjum desavo incidenti.
.
Ov vakerel kaj taro policiakoro stasioni mangen te garaven o incidenti, sar so vakerena panda na džanen savo si o anav e policajcoskoro taro akava incidenti. Bizi diferenca taro sa, me arakhljum avukati thaj te trubungja ka džav dži ko Strazbur, vakerela o Kevin
Link: http://www.kurir.rs/policajac-me-prebio-zato-sto-sam-rom-clanak-1083373
